Author: बिनय आचार्य

चितवन, असोज ४-
चितवनमा पहिलो पटक जापान वर्किङ भिषा एसएसडब्लुको तालिम सहितको कक्षा आकारुईले सुरु गरेको छ ।

सन् २०१३ देखि विद्यार्थी भिषामा जापान पठाइरहेको आकारुईले एसएसडब्लु अन्तरर्गतको वर्किङ भिषाको लागि तालिम सहितको कक्षा सुरु गरेको आकारुईका प्रबन्धक प्रज्वल पौडेलले बताए ।

कक्षा संचालन भएसँगै एसएसडब्लु वर्किङ भिषामा जान चाहानेहरुलाई केयर गिभर, कृषि तथा फूड सर्भिसको लागि तालिम सहित जे.एफ.टी र जे. एल.पी.टी एन फोर को कक्षा लिन काठमाडौं जानुपर्ने बाध्यता समेत हटेको आकारुईका जापनिज डिपार्ट हेड सुदेश चौधरीले जानकारी दिए ।

चितवन, भदौं १३ –
अङ्कुरम् स्काउट ट्रपको आयोजना तथा अङ्कुरम् एकेडेमी चितवनको सहयोगमा अन्तरविद्यालय स्काउट रनिङ्ग शिल्ड नृत्य प्रतियोगिता सम्पन्न भएको छ ।

प्रतियोगितामा सनराइन इग्लिस स्कुल प्रथम, ग्रिनल्याण्ड इङ्गिलस स्कूल दोश्रो र एकता शिशु निकेतनका विद्यार्थीहरुले तेश्रो स्थान हासिल गरे ।

पहिलो हुने समूहले १० हजार नगदसहित रनिङ शिल्ड प्राप्त ग¥यो भने दोस्रो हुनेले सात हजार ५०० र तृतीय हुनेले नगद पाँच हजार पुरस्कार राशीप्राप्त गरे । प्रतियोगितामा मुग्लिनदेखि माडी सम्मका २० वटा विद्यालयका करिब १४० विद्यार्थीको सहभागिता रहेको थियो ।

हरितालिका तीजको अवसर पारेर नेपाली कला र संस्कृतिको संरक्षणसँगै विभिन्न विद्यालयको स्काउट विद्यार्थीहरुको मित्रता कायम गर्ने उद्देश्यले कार्यक्रम गरिएको एकेडेमीकी परीक्षा प्रमुख सदिक्षा पौडेलले जानकारी दिइन् ।

प्रतियोगितामा बज्रयोगा तथा डान्स एकेडेमीका निर्देशक पुष्प श्रेष्ठ र अङ्कुरम् एकेडेमीका नृत्य प्रशिक्षक निरा गुरुङले निर्णायकको भूमिका निभाएका थिए । पठनपाठन साथसाथै अतिरिक्त क्रियाकलापलाई पनि अन्तर्राष्ट्रियस्तरबाट सञ्चालन गर्दै आइरहेको यस एकेडेमीले मासिक तथा वार्षिक रुपमा विभिन्न कार्यक्रमहरु सञ्चालन गर्दै आइरहेको छ ।

अङ्कुरम् एकेमीका स्तर प्रमुख अर्जुन जिशर्माले सञ्चालन गरेको सो कार्यक्रमको प्रमुखअतिथि भरतपुर महानगरपालिका वडा नम्बर १० का वडाध्यक्ष एवम् सामाजिक समन्वय समितिका संयोजक परमेश्वर खनाल रहेका थिए कार्यक्रममा प्याब्सन केन्द्रीय समितिका सदस्य मोहनलामा, स्काउट रोवर लिडर तथा स्काउटर सीएएलटी शिवप्रसाद बराल, एकेडेमीका कार्यकारी निर्देशक नवराज पौडेललगायतको सहभागिता रहेको थियो ।

चितवन, भदौ ११-
अङ्कुरम एकेडेमीका विद्यार्थीहरुले गणित प्रर्दशनी गरेका छन् ।

कार्यक्रममा विद्यालयका कक्षा १ देखि १० सम्मका सम्पूर्ण विद्यार्थीहरू रचनात्मक प्रस्तुतिमा व्यस्त देखिन्थे ।

प्रर्दशन गराइएका सम्पूर्ण सामग्रीहरू विद्यार्थी आफैंले निमार्ण गरेका हुन्. । यस प्रदर्शनीमार्फत बालबालिकाहरूले गणितलाई बोझ र अप्ठ्यारो विषयका रूपमा नलिई रमाइलो खेलको रूपमा प्रर्दशन गर्दा सहभागी सबैलाई थप हौसला मिलेको बताएका थिए ।

प्रर्दशनीमा चितवन जिल्लाका १०० भन्दा बढी विद्यालयका शिक्षक, अभिभावक तथा विद्यार्थीले अवलोकन गरेका थिए । यस्ता खालका प्रर्दशनीले विद्यार्थीहरुलाई व्यवहारिक ज्ञान दिने तथा सृजनशील बनाउने कुरा विज्ञ अभिभाभकहरूले बताए ।

यस्ता सृजना तथा परियोजना कार्यले शिक्षण शिकाई रुचिकर अनि प्रभावकारी हुने तथा भविष्यमा विद्यार्थीहरू आफ्नो विषयमा अब्बल हुने कुरा विद्यार्थी तथा अभिभावकहरूले आत्मसात गरे ।

यस्ता खालका परियोजनाहरू समय समयमा सञ्चालन गराइँदा विद्यार्थीहरुलाई अझै सिर्जनशील बनाउन सकिने भएकाले आगामी दिनमा पनि यस्ता कार्यहरू सञ्चालन गर्ने विद्यालयको योजना रहेको एकेडेमीका कार्यकारी निर्देशक युवराज पौडेलले बताए ।

स्थापना कालदेखि नै अङ्कुरम एकेडेमीले विद्यार्थीहरुलाई डिजिटल माध्ययम अनि प्रयोगात्मक शैलीबाट अन्तर्राष्ट्रियस्तरको शिक्षा दिँदै आइरहेको छ ।