चितवन, असार १८ –
चितवनको खैरहनीमा बाघको आक्रमणबाट एक महिला घाइते भएकी छन् ।
आज (शनिबार) विहान ८ बजेको समयमा खैरहनी नगरपलिका वडा नम्बर १३, स्थित कुमरोज मध्यवर्ती सामुदायिक वनमा घाँस काट्न जाने क्रममा स्थानीय सिम्रेनी निवासी ३८ वर्षीया बालिका गुरुङलाई बाघले आक्रमण गरेको हो ।
जिल्ला प्रहरी कार्यलय चितवनका अनुसार बाघको आक्रमणबाट गम्भीर घाइते भएकी गुरुङको पूरानो मेडिकल कलेज भरतपुर उपचार भइरहेको छ ।
चितवनमा पछिल्लो समय बाघ आतंक नै मच्चिएको छ । पछिल्लो तीन महिनामा मात्रै जिल्लामा १० जनाले बाघको आक्रमणबाट ज्यान गुमाएका छन् ।
