नारायणी नदीले देवघाट क्षेत्रमा खतराको तह पार गर्‍यो, नारायणी पुलमा ११ दशमल ७८ मिटर पुग्यो

चितवन, असोज २०–

निरन्तरको वर्षाले नारायणी नदीले देवघाटतर्फ खतराको तह पार गरेको छ । पानीको सतह ९ मिटर पुग्दा खतराको तह मानिएको छ । अहिले नारायणी नदीको पानीको सतह ९ दशमलब ०९ मिटर पुगेको छ ।नारायणी पुलतर्फ भने नारायणी नदीको पानीको सतह ११ दशमलव ७८ मिटर पुगेको छ । यस क्षेत्रमा ११ मिटरलाई सतर्कता तह मानेको छ । अहिले पनि निरन्तर वर्षा भएकाले नारायणीको बहाब अझै बढ्दै जाने जल तथा मौसम विज्ञान महाशाखाले जनाएको छ नारायणीको सतह बढ्दै गएपछि पश्चिम चितवनका बस्तीहरुमा बाढी पस्न थालेको छ ।