Category: राप्ती

भरतपुर, १५ फागुन
राप्ती नगरपालिकामा कार्यपालिका बैठक र नगरसभा तत्काल गर्न नेकपा एमाले कमिटिले माग गरेको छ । नेकपा एमाले राप्ती नगरपालिकाका इन्चार्ज भीम बहादुर पुनद्वारा जारी विज्ञप्तिमा कार्यपालिका र नगरसभाको बैठक आहवान नभएको हुदा सिङ्गो नगरपालिका बन्दक बनेको विज्ञप्तिमामा उल्लेख गरिएको छ ।

उक्त विज्ञप्तिमामा भनिएको छ, “जनप्रतिनिधिहरुका लिखित अनुरोधलाई बेवास्ता गर्दै कानुनी व्यवस्था अनुरुप कुनै पनि कार्यपालिकाको बैठक र नगरसभाको आहवान नभएको हुदा सिङ्गो नगरपालिका बन्दक बनेको छ भने जनताका अनेकौं माग र मुद्दाहरुको सुनुवाई र आम जनतामा स्थानीय सरकार भएको प्रत्याभूति हुन सकेको छैन । त्यसैले जनप्रतिनिधिहरुको मागको सुनुवाई गर्दै कानुनी प्रावधान अनुसार तत्काल कार्यपालिका बैठक र नगरसभाको आहवान गर्न नेकपा (एमाले), राप्ती सम्बन्धित पक्षको गम्भीर ध्यानाकर्षण गराउँदछ ।”

फागुन १० गते राप्ती नगरपालिकाका जनप्रतिनिधिहरुले नगरप्रमुख शमशेर लामा, उपप्रमुख देवेन्द्र लामा र प्रमुख प्रशासकीय अधिकृत निलमकुमार न्यौपानेको कार्यकक्षमा तालाबन्दी गरेका थिए ।

कार्यपालिका बैठक र हिउँदे नगरसभाको माग गर्दै जनप्रतिनिधिहरुले कार्यकक्षमा तालाबन्दी गरेका हुन् ।

नगर प्रमुखको कार्यशैलीप्रति असहमति जनाउँदै आएका काङ्ग्रेस ,एमालेसहितका ६२ जना जनप्रतिनिधिले सात दिनको अल्टिमेटम दिएका थिए । तर, प्रमुखले बैठक नबोलाई बेवास्ता गरेका कारण तालाबन्दी गर्न बाध्य भएको जनप्रतिनिधिहरुले बताएका छन् ।

हेर्नुहोस् विज्ञप्ति :-

चितवन, १० फागुन
चितवनको राप्ती नगरपालिकामा जनप्रतिनिधिहरुले तालाबन्दी गरेका छन् । उनीहरुले बुधबार नगरप्रमुख शमशेर लामा, उपप्रमुख देवेन्द्र लामा र प्रमुख प्रशासकीय अधिकृत निलमकुमार न्यौपानेको कार्यकक्षमा तालाबन्दी गरेका हुन् ।

कार्यपालिका बैठक र हिउँदे नगरसभाको माग गर्दै कार्यकक्षमा तालाबन्दी गरिएको वडा नम्बर १२ का वडा अध्यक्ष अर्जुन प्रजाले जानकारी दिए ।

नगर प्रमुखको कार्यशैलीप्रति असहमति जनाउँदै आएका काङ्ग्रेस ,एमालेसहितका ६२ जना जनप्रतिनिधिले सात दिनको अल्टिमेटम दिएका थिए । तर, प्रमुखले बैठक नबोलाई बेवास्ता गरेका कारण तालाबन्दी गर्न बाध्य भएको जनप्रतिनिधिहरुले बताए ।

संविधान र कानुनअनुसार नगर प्रमुख नचलेको भन्दै नेपाली काङ्ग्रेस र नेकपा एमालेबाट निर्वाचित जनप्रतिनिधिले असन्तुष्टि जनाउँदै आएका छन् । कार्यपालिका बैठक एक महिनामा कम्तिमा एकपटक बस्नुपर्ने भएपनि साउनदेखि यता एकपटकमात्र बसेको जनप्रतिनिधिहरुले बताएका छन् ।

आर्थिक वर्ष ०८०/८१ को बजेट प्रमुखले आफुखुसी तोक आदेश दिएर काम गरेको, कर्मचारी आवश्यकता भनेर बिज्ञापन खुलाए पनि हाल सम्म नियुक्ति नदिएको तर राजनीति आधारमा आफुखुसी कर्मचारी भने भर्ती गरेको जस्ता आरोप नगरपालिका भित्रका जनप्रतिनिधिहरुले लगाएका छन् ।

विरोध जनाउने नगरसभा सदस्यहरुमा काङ्रेस र एमालेका सबैजसो सदस्य रहेका छन् । राप्ती नगरपालिकामा अहिलेको गठबन्धनबाट नेकपा समाजवादीले प्रमुख र काङ्रेसले उपप्रमुखमा जितेको छ ।