Category: राप्ती

चितवन, मंसिर १४ –
एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) राप्ती नगरपालिका कमिटी चितवनको अध्यक्षमा रुपक कँडेल चयन भएका छन् ।

आज सम्पन्न अधिवेशनले कँडेलको नेतृत्वमा ११ सदस्यीय नगर कमिटी सर्वसम्मतबाट चयन गरेको हो । कमिटीको उपाध्यक्षमा मिलन क्षेत्री, सचिवमा सफल खरेल, कोषाध्यक्षमा सुमन छ्त्कुल्ली, सहसचिवहरुमा प्रशान्त सेढाई, शिरीष सिलवाल, अशोक कँडेल चयन भएका छन् । कमिटीको संगठन विभाग प्रमुखमा विजय वि.क. र महिला विभाग प्रमुखमा बिनि ओस्ति चयन भएका छन् ।

त्यसैगरी आजै राप्ती नगरपालिकामा रहेको जनआदर्श बहुमुखी क्याम्पसमा पनि अनेरास्ववियुको नयाँ क्याम्पस कमिटी बनाइएको छ । विज्ञान शर्माको नेतृत्वमा सर्वसम्मतबाट ११ सदस्यीय नयाँ क्याम्पस कमिटी चयन गरिएको हो । कमिटीको उपाध्यक्षमा महेश अर्याल, सचिवमा रिजन कंडेल, सहसचिवमा अन्जली बम, कोषाध्यक्षमा निसान क्षेत्री र सदस्यहरुमा प्रशिल डल्लाकोटी र स्वीकृती पाठक रहेका छन् ।

एकै कार्यक्रमबाट नगर कमिटी र क्याम्पस कमिटी चयन गरिएको अनेरास्ववियु बागमती प्रदेश कमिटी सचिव प्रकाश कालाखेतीले जानकारी दिए ।

कार्यक्रममा नेकपा एमाले चितवनका सचिवालय सदस्य एवम् विद्यार्थी इन्चार्ज अनोज जोशी, एमाले बागमती प्रदेश कमिटी सदस्य गोविन्द कँडेल, एमाले राप्तीका कार्यवाहक अध्यक्ष राजकुमार कँडेल, अनेरास्ववियु केन्द्रीय सदस्य अमित गुप्ता, अनेरास्ववियु केन्द्रीय लेखा आयोग सदस्य लिलाराम पौडेल, अनेरास्ववियु बागमति प्रदेश कमिटी सचिव प्रकाश कालाखेती, अनेरास्ववियु चितवनका अध्यक्ष हरि आचार्य, अनेरास्ववियु बागमती प्रदेश कमिटी सदस्यहरु प्रशान्त सुवेदी, मेन्सिस भेटवाल, सुजन थापा, अस्मिता रेग्मी, अनेरास्ववियु चितवनका उपाध्यक्ष सरोज तिमिल्सिना, सचिव अमित आचार्य लगायतका अनेरास्ववियुका नेता कार्यकर्ताको उपस्थिति रहेको थियो ।

भरतपुर, १६ चैत
पूर्वी चितवनको राप्ती नगरपालिका वडा नं-७, वीरेन्द्रनगरमा मोटरसाइकल, ट्रयाक्टर र ट्रक ठोक्किँदा एक जनाको मृत्यु भएको छ भने एक जना गम्भीर घाइते भएका छन् । मृत्यु हुनेमा मोटरसाइकलपछाडि सवार महोत्तरीको शम्शी गाउँपालिका-४ बस्ने २१ वर्षीय रूपेश पण्डित रहेका छन् ।

पण्डितको उपचारको लागि लैजाने क्रममा बाटोमा मृत्यु भएको हो । सोहि ठाउँ बस्ने मोटरसाइकल चालक गम्भीर घाइते भएका छन् ।

भण्डाराबाट भरतपुरतर्फ जाँदै गरेको प्रदेश २-०२-००५ प १३९९ नम्बरको मोटरसाइकल विपरीत दिशाबाट आउँदै गरेको ना ३ त २८७२ नम्बरको ट्रयाक्टरमा ठोक्किई मोटरसाइकल अनियन्त्रित भई भरतपुरतर्फ जाँदै गरेको ना ६ ख १५७७ नम्बरको ट्रकमा ठोक्किँदा मोटरसाइकलमा सवार दुवै जना गम्भीर घाइते भएका थिए ।

गम्भीर घाइते भएका मोटरसाइकल चालक २४ वर्षीय दीपेन्द्र पण्डितको नयाँ मेडिकल कलेज भरतपुरमा उपचार भइरहेको छ । दुर्घटनाबारे अनुसन्धान भइरहेको प्रहरीले जनाएको छ ।