चितवन बालिका मृत्यु प्रकरण : तत्काल देशभरका छात्राबास अनुगमन गर्न सांसदहरूको माग

चितवन, २० फागुन
चितवनकी १३ वर्षीया बालिकाको मृत्यु घटनाबारे सांसदहरूले ध्यानाकर्षण भएको बताएका छन्। विद्यालय शिक्षा विधेयकमाथि छलफल गर्न आइतवार बसेको प्रतिनिधि सभाको शिक्षा, स्वास्थ्य तथा सूचना प्रविधि समिति बैठकमा सांसदहरूले देशभरका छात्रावासको अनुगमन गर्नुपर्ने बताएका हुन् ।

सांसद विद्या भट्टराईले विद्यालयको छात्रावास व्यवस्थापन अनुगमन गर्ने दायित्व शिक्षा मन्त्रालयको भएकोले तत्काल समिति बनाई अनुगमन गर्नुपर्ने माग राखेकी छिन् । सो घटनामा मन्त्रालयले समितिमार्फत छानबिन गर्नुपर्ने उनले बताइन् ।

सांसद तोसिमा कार्कीले देशभरका अन्य छात्रावासको समेत मापदण्डबारे तत्काल अनुगमन गर्नुपर्ने बताइन् । पूर्वशिक्षामन्त्री तथा सांसद देवेन्द्र पौडेलले घटनाको गम्भीर छानबिनका लागि समितिले सरकारलाई निर्देशन दिनुपर्ने धारणा राखेका छन् ।

साथै अन्य विद्यालयमा समेत छात्रावास व्यवस्थापन समिति गठन भए नभएको तथा त्यसको भूमिकाबारे मन्त्रालयले चासो राख्नुपर्ने उनले बताए ।

फागुन १२ गते शनिबार बिहान एकता शिशु निकेतनमा कक्षा ८ मा अध्ययन गर्ने १४ वर्षीया शालिन पोखरेलले आत्महत्या थिइन् ।

शालिनको बलात्कार पछि हत्या भएको भनी परिवारले दाबि गरिरहेका छन् ।  राजनीतिक दलका नेता र महिला अधिकारकर्मीले घटना रहस्यमयी भएको भन्दै छानबिन गर्न माग गरेका छन् । प्रधानमन्त्री पुष्पकमल दाहालले पनि यो घटनाको सत्यतथ्य छानबिन गर्न गृह मन्त्रालयलाई निर्देशन दिइसकेका छन् ।