दैलेख, ११ मङ्सिर
दैलेखमा सामान्य बिवाद हुँदा श्रीमतीले खाना पकाउने भड्डु प्रहार गर्दा श्रीमान्को मृत्यु भएको छ।
मृत्यु हुनेमा नौमूले गाउँपालिका–४ कालिकाका ३८ वर्षीय भीमबहादुर योगी रहेका छन् । श्रीमती सीता योगीले भाँडा प्रहार गरेपछि टाउकोमा चोट लागेर धेरै रगत बगेपछि उनको मृत्यु भएको हो ।
जिल्ला प्रहरी कार्यालय दैलेखका प्रहरी प्रमुख किशोर लम्सालका अनुसार श्रीमान्–श्रीमतीबिचको आपसी झगडा बढेपछि सीताले भड्डु प्रहार गरेकी हुन् ।
अहिले सीतालाई दैलेख प्रहरीले नियन्त्रणमा लिएको छ ।
Leave a Reply