काठमाडौँ, ११ मङ्सिर
विदेशी नागरिकको नाममा फेसबुक आइडी बनाएर ठगि गरेको आरोपमा प्रहरीले एकजना युवतीलाई पक्राउ गरेको छ ।
पक्राउ पर्नेमा सप्तरीको कञ्चनपुर नगरपालिका घर भएर ललितपुर बस्ने सुजता चौधरी रहेकी छिन् । उपत्यका अपराध अनुसन्धान कार्यालयको टोलीले उनलाई काठमाडौँबाट पक्राउ गरेको हो ।
उनीमाथि विदेशी नागरिकको नाममा फेसबुक आइडी बनाएर आईफोन, घडी र सुनका गहना उपहार पठाएको छु भन्दै ठग्ने गरेको आरोप छ ।
चौधरीले कुरियरमार्फत सामान पठाएको बहाना बनाएर एयरपोर्टमा सामान आइपुगेको भन्दै रकम मागेर ठग्ने गरेको प्रहरीको अनुसन्धानबाट खुलेको हो ।
Leave a Reply