आपराधिक विश्वासघातको आरोपमा पक्राउ परेका अनमोल केसी रातारात अस्पताल भर्ना

काठमाडौँ, १३ असोज
नायक अनमोल केसी गएराति अस्पताल भर्ना भएका छन् ।

अनमोल छातीमा समस्या भएपछि बसुन्धरास्थित चिरायु अस्पतालमा भर्ना भएका हुन् ।

शुक्रबार साँझ भक्तपुरको साँगाबाट आपराधिक विश्वासघात गरेको कसुरमा प्रहरीले पक्राउ गरेको थियो।

चलचित्र ‘रावायण’मा अभिनय गर्ने भन्दै १० लाख रुपैयाँ लिए पनि अन्तिम समयमा सिनेमामा काम नगर्ने बताएपछि निर्माण पक्षले अनमोलविरुद्ध उजुरी दिएको थियो । अभिनेता केसीलाई आइतबार अदालतमा उपस्थित गराउने प्रहरीको तयारी छ ।