गर्मी अत्याधिक बढेपछि रत्ननगरका विद्यालयहरु थप दुई दिन बन्द

चितवन जेठ २६
चितवनमा गर्मी कम नभए पछि रत्ननगर नगरपालिकाले नगरभित्रका सामुदायिक, संस्थागत विद्यालय र मन्टेश्वरीहरु थप दुई दिन बन्द गरेको छ ।

नगरपालिका अधिकृत राजेन्द्रप्रसाद वरालका अनुुसार आइतबार र सोमबार दुई दिन बर्षे विदा कट्टी हुने गरी गर्मी विदा गरिएको उनले बताए ।

यसअघि नगरपालिकाले जेठ २६ गतेसम्म विद्यालय बन्द गर्ने निर्णय गरेको थियो ।

नगरपालिकाले विदाको अवधिमा बालबालिकालाई दिउँसो घाममा हिँडडुल गर्न नदिन र नदी पोखरीहरुमा पौडी खेल्न, माछा मार्ने जस्ता कार्यमा संलग्न हुन नदिन आवश्यक सावधानी अपनाउन अभिभावकहरुलाई आग्रह समेत गरेको छ ।