सप्तगण्डकीका प्राध्यापकमाथि हातपात प्रकरण : विद्यार्थीहरुले जलाए क्याम्पस प्रमुखको कुर्सी

चितवन,असार १९ –
सप्तगण्डकी क्याम्पसका विद्यार्थीहरुले क्याम्पस प्रमुखको कुर्सीमा आगजनी गरेका छन् । क्याम्पसका सहायक प्राध्यापकमाथि भएको दुव्र्यवहारको विरोधमा विद्यार्थीहरुले कुर्सी जलाउँदै विरोध प्रदर्शन गरेका हुन् ।

प्राध्यापकलाई आक्रमण हुँदासमेत क्याम्पस प्रमुख मौन रहेको भन्दै अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी)का विद्यार्थीले क्याम्पस प्रमुखको कुर्सीमा आज बिहान आगो लगाएका हुन् । कार्यकक्षबाट बाहिर ल्याई कुर्सीमा आगजनी गर्दै विद्यार्थीहरुले विरोध प्रदर्शन गरेका हुन् । भीड नियन्त्रणमा लिन प्रहरी समेत परिचालन गरिएको थियो । विद्यार्थीहरुले क्याम्पस प्रमुख मणिराज महतोको राजीनामा समेत माग गरेका छन् ।

युवा संघका केन्द्रीय सदस्य अस्मिन घिमिरेले क्याम्पसका प्राध्यापकमाथि हातपात एवं दुव्र्यवहार गरेको भन्दै विद्यार्थीहरु आन्दोलित भएका हुन् ।