चितवन, १२ माघः
डेढ वर्षअघि चितवनको सिमलतालमा पहिरोसँगै बगेर त्रिशूली नदीमा बेपत्ता भएको गणपति डिलक्स बसको भग्नावशेषबाट मानव कङ्काल फेला परेको छ।
तनहुँको आँबुखैरेनी गाउँपालिका–५ दोन्द्राङबेशीस्थित त्रिशूली नदी किनारमा बालुवाले पुरिएको अवस्थामा भेटिएको बस उत्खनन गर्ने क्रममा १६ औं दिनमा मानव कङ्काल भेटिएको हो।
चितवनका प्रमुख जिल्ला अधिकारी गणेश अर्यालले पनि मानव शरीरको अङ्ग भेटिएको पुष्टि गरेका छन्।
त्यसलाई जिल्ला प्रहरी कार्यालय चितवनसँगको समन्वयमा कानुनी प्रकृयाअनुसार काम गर्ने उनले बताए।
भेटिएको कङ्काल परीक्षणको लागि भरतपुर अस्पताल ल्याइएको छ।
Leave a Reply