OCEM ले आयोजना गर्दै- Oxford Mela 2025 ‘चञ्चल छात्रवृत्ति योजना’ सार्वजनिक

गैँडाकोट साउन २२
गैँडाकोटस्थित अक्सफोर्ड कलेज अफ इञ्जिनियरिङ एण्ड म्यानेजमेन्ट (OCEM) ले आगामी साउन २५, २६ र २७ गते आयोजना गर्न लागेको “Oxford Mela 2025” र शिक्षासेवी स्व. राम प्रसाद चापागाईं “चञ्चल” को स्मृतिमा घोषणा गरिएको ‘चञ्चल छात्रवृत्ति योजना’ सार्वजनिक गरेको छ।

आज आयोजित पत्रकार सम्मेलनमा कलेजका प्राचार्य प्रा.डा. ई. हरि भण्डारीले OCEM ले विगत २५ वर्षदेखि गुणस्तरीय, व्यवहारिक र उद्योगमैत्री शिक्षा प्रदान गर्दै आएको उल्लेख गर्दै, “अब हामी ‘Oxford Mela 2025’ मार्फत युवाहरूमा सिर्जनशीलता, नेतृत्व क्षमता र करियर मार्गदर्शनको अवसर सिर्जना गर्न खोजिरहेका छौँ,” भने। उहाँले यो मेलाले विद्यार्थीहरूलाई प्राविधिक, शैक्षिक र खेलकुदका विभिन्न गतिविधिहरूमा सहभागी गराई उनीहरूको प्रतिभा उजागर गर्ने अवसर प्रदान गर्ने विश्वास व्यक्त गर्नुभयो।

मेलामा १६ देखि २१ वर्ष उमेर समूहका प्लस टु सकेका विद्यार्थीहरूलाई लक्षित गरी कोड वार, ब्रिज मोडलिङ, सर्किट डिजाइन, व्यापार प्रस्तुति, पोस्टर डिजाइन, क्विज, पब्लिक स्पिकिङ, प्यानल छलफल, करियर गाइडेंस, PUBG र बास्केटबल टुर्नामेन्ट जस्ता कार्यक्रमहरू सञ्चालन हुनेछन्।

कलेजले यसै अवसरमा शिक्षामा समर्पित प्रमुख सल्लाहकार स्व. राम प्रसाद चापागाईं “चञ्चल” को १३औँ पुण्य तिथिमा उहाँको नाममा ‘चञ्चल छात्रवृत्ति योजना’ सार्वजनिक गरेको छ। योजना अन्तर्गत BE Civil र BE Electrical & Electronics अध्ययनरत एक–एक छात्र तथा छात्रालाई पूर्ण छात्रवृत्ति प्रदान गरिनेछ। छात्रवृत्तिको कुल वार्षिक मूल्य रु. २० लाख ४५ हजार रहेको छ। छनोट प्रक्रियामा शैक्षिक योग्यता, आर्थिक अवस्था र अनुशासनलाई प्रमुख आधार मानिनेछ।

कार्यक्रम सञ्चालन गरेका भाइस प्रिन्सिपल कृष्णहरि पौडेलले सञ्चारकर्मीहरूलाई शिक्षा क्षेत्रप्रति निरन्तर सहयोग र सहकार्यका लागि धन्यवाद दिएका थिए भने कलेजले शिक्षा, अनुसन्धान र नवप्रवर्तनलाई केन्द्रमा राखेर आगामी दिनमा अझ प्रभावकारी शिक्षण प्रदान गर्ने प्रतिबद्धता व्यक्त गरेको छ।