Category: भरतपुर

चितवन जेठ १०
भरतपुर–७, स्थित अङ्कुरम् एकेडेमीमा एइई दिएर बसेका विद्यार्थीहरुलाई लक्षित गरी ‘क्यारियर गाइडेन्स प्रोग्राम’को आयोजना गरिएको छ । शनिबार विद्यालयको अडिटोरियम हलमा आयोजित कार्यक्रममा एसइई दिएका विद्यार्थी र तिनका अभिभावकहरुको उपस्थिति थियो ।

रोजगारीको क्षेत्रमा विश्वव्यापीरुपमै शक्तिशाली प्रविधिहरुले दख्खल दिइरहेकोे परिप्रेक्ष्यमा आर्थिक अनिश्चितता, जनसांख्यिकीय परिवर्तन र प्राविधिक अवरोधका कारण सन् २०३५ सम्ममा केवल शैक्षिक उत्कृष्टताले मात्र काम नगर्ने बताउँदै कार्यक्रममा अनुकूलनशीलता, दूरदर्शिता र परिणाममुखी सोचको बढी माग हुने जानकारी दिइयो ।

कार्यक्रमलाई सम्बोधन गर्दै प्रशिक्षक स्किल ल्याब नेपालका संस्थापक निर्देशक नन्दकिशोर मण्डलले भविष्यमा के बन्ने भन्ने निर्णय विद्यार्थीले अहिले नै गर्नुपर्ने बताउँदै त्यसका लागि अभिभावक र शिक्षकको मार्गदर्शन आवश्यक रहेको बताए । उनले भने, ‘सफलता भनेको एकैपटकको प्रयासले प्राप्त हुँदैन, यो पटकपटकको प्रयासपछि प्राप्त हुने कुरा हो,’ ‘विद्यार्थीले एउटा लक्ष लिएर त्यसलाई पूरा गर्न प्रयत्नशील हुनुपर्छ ।’

त्यस्तै कार्यक्रमकी अर्की वक्ता प्रशिक्षक द ओडा फाउन्डेसनकी पूर्वसिइओ ‘टिच फर नेपाल’की मोना आदित्यले एसइईपछि भविष्यमा माथिल्लो लेभलको अध्ययन र त्यसपछिको क्यारियर निर्माणका लागि कक्षा ११ मै विषय छनोटमा विचार पु¥याउनु पर्ने बताइन् ।

कोर्नेल युनिभर्सिटी न्यूओर्कबाट अध्ययन पूरा गरेकी आदित्यले द ओडा फाउण्डेसनमार्फत कर्णालीमा सेवा समेत गरेकी छिन् । सो अवसरमा उनको ‘कोर्नेल टु कर्णाली’ शीर्षकको डकुमेन्ट्री देखाइएको थियो ।

विद्यालयका अध्यक्ष आनन्दबहादुर चन्दले आजको कार्यक्रमबाट प्रशिक्षित विद्यार्थीमध्येबाट कम्तिमा २० जनासम्म मात्र पनि राम्रो कलेज पढेर विदेशमा उच्च शिक्षासहित सिप सिकेर चितवन फर्के मात्र पनि ठूलो उपलब्धि हुने बताए ।

अङ्कुरम् एकेडेमी +२ अङ्ग्रेजी विभाग प्रमुख अर्जुनबाबु धौलियाले सञ्चालन गरेको कार्यक्रममा स्वागत मन्तव्य विद्यालयका प्राचार्य सुमन पौडेलले राखेका थिए भने आगामी शैक्षिक यात्राका बारे अभिभावक र विद्यार्थीबाट उठेका प्रश्नको उत्तर +२ निर्देशक डा आरएन धितालले दिएका थिए । कार्यक्रममा १३७ जना विद्यार्थी तथा अभिभावकको उपस्थिति रहेको थियो ।

चितवन जेठ ६
भरतपुर–७, कृष्णपुरस्थित अङ्कुरम् एकेडेमीमा कक्षा ९ मा अध्ययनरत जेनस क्षेत्री रत्ननगर–६, सौराहामा बस्छन् । उनी आइतबार विद्यालयमा उपस्थित त भए तर विद्यार्थीको रुपमा नभई उम्मेदवारको रुपमा । विद्यालयमा आयोजित नमुना निर्वाचन कार्यक्रममा उनी कक्षा ६ देखि १० सम्मको ‘ब्लु हाउस’मार्फत ‘क्याप्टेन’को उम्मेदवारसमेत थिए । उनले आफूले देशमा आवधिकरुपमा विभिन्न प्रकारका चुनाव भएको र ती चुनावमा मतदाता शिक्षाको अभावमा धेरै मत खेर जाने गरेको विभिन्न सञ्चार माध्यमबाट थाहा पाएको बताए ।

‘मलाई देशमा निर्वाचन हुन्छ भन्ने कुरा थाहा थियो, निर्वाचनको बेला हुने चहलपहलबारे पनि म जानकार नै थिएँ तर, यसरी आफू नै उम्मेदवार भएर मतदानमा भाग लिँदा पढाइबाट थाहा पाएको भन्दा अतिरिक्त क्रियाकलापले धेरै सिक्ने अवसर मिलेको छ,’ कक्षा ६ मा अध्ययनरत ‘ग्रीन हाउस’का भाइस क्याप्टेन उम्मेदवार सम्राट अधिकारीले बताए ।

‘मतदाता शिक्षाको कमीले बदर हुने मतका कारण निर्वाचनमा योग्य मान्छे निर्वाचित हुनबाट वञ्चित हुने सम्भावना धेरै हुन्छ, त्यसैले अब हाम्रो भूमिका हाम्रो टोलसमाजमा निर्वाचनताका साधारण मतदातालाई कसरी आफूले चाहेको उम्मेदवारलाई मत बदर नहुने किसिमले मतदान गर्ने भनेर सिकाउने पनि हुनुपर्छ’, ‘स्टुडेन्ट काउन्सिल’को ‘हेड ब्वाय’मा निर्वाचित कक्षा १० का छात्र सुभांशराज केसीले बताए ।

आइतबार अबेर सम्पन्न नमुना निर्वाचनको मतगणना सोमबार गरिएको थियो । कक्षा १ देखि ५ को समूहको रेड हाउस क्याप्टेनमा सुभांशराज गौतम र भाइस क्याप्टेनमा राजकुमार अर्याल, एल्लो हाउस काप्टेनमा इभाना घले र वैदेही शर्मा, ब्लु हाउस क्याप्टेनमा कार्ल भण्डारी र भाइस क्याप्टेनमा प्रमिता अर्याल तथा ग्रीन हाउस क्याप्टेनमा निर्वाण अग्रवाल र भाइस क्याप्टेनमा प्रद्युम्न क्षेत्री विजयी भए ।
त्यसैगरी, कक्षा ६ देखि १० को समूहबाट रेड हाउस क्याप्टेनमा आहाना कौडेल र भाइस क्याप्टेनमा लीना तिवारी, एल्लो हाउस क्याप्टेनमा आयुषा चापागाईं र भाइर क्याप्टेनमा कृतिका भट्टराई, ब्लु हाउस क्याप्टेनमा जेनस क्षेत्री र भाइस क्याप्टेनमा ग्रिष्ना पाण्डे तथा ग्रीन हाउस क्याप्टेनमा जेसिका तामाङ र भाइस क्याप्टेनमा सम्राट अधिकारी निर्वाचित भए ।

त्यस्तै, आइतबारै सम्पन्न निर्वाचनबाट विद्यार्थी परिषद्को ‘हेड ब्वाय’मा सुभांशराज के.सी., ‘हेड गर्ल’मा रिहाना गैरे तथा डुपुटी हेड ब्वाय र डेपुटी हेड गर्लमा क्रमशः मेन्सन रामदाम र आश्रिका बाँस्तोला निर्वाचित भएका छन् ।

अतिरिक्त क्रियाकलापकेन्द्रित विद्यालयको नियमित शैक्षिक क्यालेन्डरअनुसार विद्यार्थीलाई व्यवहारिक ज्ञानसँग परिचित गराउन नमुना निर्वाचन गराइएको निर्वाचनमा केन्द्राध्यक्षको भूमिका निभाएका तहप्रमुख अर्जुन जी शर्माले जानकारी दिए । इसिए हेड विक्की थापाले निर्वाचन अधिकृतको जिम्मेवारी निभाएका थिए भने विजयी उम्मेदवारहरुलाई विद्यालयका आवासीय निर्देशक नईम चौधरीले प्रमाणपत्र वितरण गरेका थिए ।

चितवन जेठ ३
भरतपुर–७, कृष्णपुरस्थित अङ्कुरम् एकेडेमीको आयोजनामा सम्पन्न ‘एसइई डिजिटल क्विज कम्पिटिसन’मा चितवन राइनोजले प्रथम स्थान हासिल गरेको छ । प्रेमवस्ती माध्यमिक विद्यालयका प्रसुन साकोटा र राजन राउत कुर्मी तथा ग्लोरियस एकेडेमीका साजन कँडेल र दिनेश लामिछाने सम्मिलित टिमले ९५ अङ्क प्राप्त गरी पहिलो स्थान हासिल गरेको हो ।

त्यसैगरी सनराइज स्कुलका अभिशेक पराजुली र आयुष श्रेष्ठ, होली भिजन पब्लिक स्कुलका रियाज अर्याल तथा पोलार स्टार इङ्गलिस स्कुलका एल्सन पौडेल सम्मिलित ‘डार्क नाइट’ टिमले ८५ अङ्क ल्याई दोस्रो स्थान हासिल गरेको छ ।

त्यस्तै, तेस्रो स्थान प्राप्त गर्ने लिटिल फ्लावर स्कुलका महोदय भण्डारी, निश्चल खत्री, ओम अग्रवाल र ओजश कोइरालाको टिमले ६५ अङ्कसहित तेस्रो स्थान हासिल गरेको छ । १९ वटा टिमको सहभागिता रहेको क्विजमा क्वालिफाइङ राउण्डबाट ९ वटा टिम इलिमिनेट भएका थिए ।

जनलर, आई।क्यू।, आई टेस्ट, म्युजिकल, भिजुअल, इजी र भिजुअल गरी सात राउण्डमा गराइएको प्रतियोगितामा ‘इलिमिनेसन’ राउण्डपश्चात १० वटा टिमले प्रतिस्पर्धा गरेका थिए ।

आइटी र व्यवहारिक जीवनसम्बन्धी प्रश्नहरु समेटी गराइएको स्पर्धामा दैनिक जीवनमा लागु हुने विषयमा केन्द्रित भई प्रश्नहरु तयार पारिएको ं२ निर्देशक डा। आरएन धितालले जानकारी दिए । ‘विश्वको लामो नदी कुन हो रु भनेर सोधिने प्रश्नले भन्दा भिटामिन ‘बी–१२’ कमिले लाग्ने रोग कुन हो रु भन्ने प्रश्न बढी सान्दर्भिक हुन्छ’, उनले भने ।

एसइई दिएर बसेका विद्यार्थीहरुको खाली समयलाई फलदायी बनाउन प्रतियोगिताको आयोजना गरिएको बताउँदै उनले प्रतियोगितामा भाग लिएका विद्यार्थीले ‘क्विज कम्पिटिसन’को तयारी कसरी गर्ने भन्ने समेत सिकेको बताए ।

निर्देशक डा। धिताल, कम्प्युटर साइन्स हेड अफ डिपार्टमेन्ट ई। तेज अर्याल र केमिस्ट्री हेड अफ डिपार्टमेन्ट एसएन खनाल क्विज मास्टर रहेको प्रतियोगितामा प्रथम हुने टिमले नगद पुरस्कार आठ हजार, मेडल र प्रमाणपत्र तथा दोस्रो हुने टिमले नगद पुरस्कार सात हजार, मेडल र प्रमाणपत्र प्राप्त गरेका थिए । त्यसैगरी तेस्रो हुने टिमले प्रमाणपत्र र मेडल प्राप्त गरेको थियो । विजयी टिमलाई निर्देशक डा। धितालले पौडेलले पुरस्कार वितरण गरेका थिए भने कार्यक्रमको संयोजन अङुकरम् एकेडेमीको मार्केटिङ टिमका छविलाल महतोले गरेका थिए ।