Category: Banner तल ताजा समाचार

एजेन्सी, फागुन –
संसारमा कुनै पनि वस्तुको जन्म भयो भने समयपछि नष्ट हुनै पर्छ । मानिस जसरी जन्मन्छ, मृत्युको समय पनि तय हुन्छ । तर, जीवन र मृत्युलाई लिएर संसारमा विभिन्न प्रकारका विश्वास र मत सुनिन्छन् ।

संसारका हरेक धर्ममा पनि मृत्युपछिको अवस्थालाई विभिन्न तरिकाले व्याख्या गरिएको छ । जीवन र मृत्युको बारेमा आध्यात्मिक नेताहरू र वैज्ञानिकहरू बीच सधैं मतभेदहरू छन् । जहाँ धार्मिक मान्यताले मृत्युपछि शरीर मात्र मर्छ, आत्मा कहिल्यै मर्दैन भनी भन्छ ।

अर्कोतर्फ, विज्ञानले मानिसको मृत्युपछि आत्माको अस्तित्वलाई स्वीकार गर्दैन । यस्तो अवस्थामा एक ब्रह्माण्डविद्ले जीवन र मृत्युको सम्बन्धलाई लिएर यस्तो दाबी गरेका छन्, जुन थाहा पाएपछि तपाईं अचम्ममा पर्नुहुनेछ ।

यस्तो छ दाबी :
ब्रह्माण्डविद् डा. सीन क्यारोलले जीवन र मृत्युको बारेमा चकित पार्ने दाबी गरेका छन् ।

क्यारोलका अनुसार यदि सबै कुरा विज्ञानको नियम अनुसार हुन्छ भने मानिसको मृत्युपछि कुनै पनि जीवन सम्भव छ भन्ने भौतिक विज्ञानमा सम्भव छैन ।

प्रोफेसर क्यारोलले आफ्नो जीवनको अधिकांश समय भौतिक विज्ञानको अध्ययनमा बिताएका छन् । प्रोफेसरले आफ्नो अध्ययनको आधारमा यदि मानिसको मृत्यु भयो भने उसको चेतना यस ब्रह्माण्डमा रहन सक्दैन भनेका छन् ।

साइन्टिफिक अमेरिकनमा डा। क्यारोल लेख्छन्, धार्मिक मान्यताअनुसार मानिसको मृत्युपछि आत्मा कुनै न कुनै रूपमा यही वातावरणमा रहन्छ भन्ने दाबी गरिन्छ । अब विज्ञानको एउटा शाखा, भौतिक विज्ञानको नियमको आधारमा जीवनलाई बुझ्यौं भने मृत्युपछि हाम्रो दिमागमा रहेको जानकारीलाई कायम राख्ने कुनै उपाय छैन।

यद्यपि, सबै वैज्ञानिकहरूले प्रोफेसर क्यारोलको दृष्टिकोणलाई समर्थन गर्दैनन् । मानव मस्तिष्कमा अझै धेरै अध्ययन आवश्यक रहेको उनीहरूको भनाइ छ ।

धर्ममा आत्मालाई अमर मानिन्छ। यस्तो अवस्थामा प्रोफेसर क्यारोलको यो दाबीले विवाद निम्त्याउने देखिन्छ ।

संसारका हरेक धर्मले कुनै न कुनै रूपमा आत्माको अस्तित्वलाई संकेत गर्दछन् ।

भगवानमाथि विश्वास नगर्न आफूले नभनेको तर, विज्ञानको यो विषयमा भने आफ्नो अलग्गै तर्क रहेको प्रोफेसर क्यारोल बताउँछन् । – एजेन्सी

एजेन्सी, फागुन –
एकजना ब्रिटिस मोडेलले कसरी युवतीहरुलाई प्रभावित गर्ने र कसरी प्रेम गर्ने भन्ने विषयमा ट्युसन नै पढाउने गरेकी छिन् ।

उनले आफ्नो कक्षामा कस्तो कस्तो व्यवहारले केटीहरुलाई प्रेममा पार्न सकिन्छ भन्ने सिकाउने गरेकी छिन् । केटी पट्याउने कला सिकाउने उनको यो ट्युसन कक्षाको शुल्क पनि चर्को छ । एक घण्टाको शुल्क झण्डै ५० हजार रुपैयाँ बराबर पर्न आउँछ ।

केजिया नोबल नामकी ती मोडेलले डेटिङ र आकर्षणका बारेमा प्रशिक्षण दिने गरेकी छन् । बेलायती पत्रिका द सनको रिपोर्ट अनुसार केजियाले १५ वर्षको उमेरमा पढाई छाडेकी थिइन् । त्यसपछि मोडलिङमा लागेकी उनी आफ्नो प्रशिक्षण पेशामा पनि निकै रमाएकी छिन् । यसबाट उनले मनग्गे कमाएकी छिन् ।

समाचारमा उल्लेख भए अनुसार सन् २००६मा केजिया लण्डनको एक बारमा बसिरहेकी थिइन् । त्यहीँबेला उनको मनमा गर्लफ्रेण्ड कसरी बनाउने भन्ने बारेमा ट्युसन पढाउन सकिन्छ भन्ने सोच आयो । त्यतिबेला उनको उमेर २५ वर्षको थियो ।

त्यहीबेला उनको नजिकै एकजना युवक आयो । सिंगल केटाहरुले गरेको च्याटको फिडब्याक दिन सक्छौ ? भनेर उसले सोध्यो । वास्तवमा त्यो युवक बुटक्याम्पको हिस्सा थियो ।

सो बुटक्याम्पमा केटाहरुलाई केटीसँग कसरी कुराकानी गर्ने भन्ने तालीम दिइन्थ्यो । त्यहीबेला केजियालाई थाहा भयो कि व्यक्तित्व विकास सम्बन्धी उद्योगमा महिलाहरुको अभाव छ । त्यस क्षेत्रमा ठूलो सम्भावना देखेपछि उनले आफ्नो त्यो अनौठो व्यवसाय सुरु गरिन् ।

केजिया एक युट्युब च्यानल चलाउँछिन् । त्यसमा उनले केटीहरुसँग कुरा गर्दा केटाहरुले कस्ता कस्ता गल्ती गर्छन् भनेर बताउँछिन् । उनको युट्युब च्यानलमा ४ लाखभन्दा धेरै सब्सक्राइबर्स छन् । यतिमात्र होइन उनले आफ्नो अफिसमा २५ जनालाई जागिर पनि दिएकी छिन् । उनीहरु डेटिङ वर्कसप सञ्चालन गर्दछन् ।

यो अनौठो व्यवसायबाट केजियाले अहिलेसम्म १५ करोड रुपैयाँभन्दा धेरै आम्दानी गरिसकेकी छिन् । कोरोना महामारीका बेला उनले आफ्नो यो प्रशिक्षणलाई अनलाइनमा सञ्चालन गरिन् । अनौठो त के भने केटी कसरी पट्याउने भन्ने तालिम दिने केजिया आफै डिभोर्सी हुन् । उनको ६ वर्षको छोरा पनि छ । – एजेन्सी

एजेन्सी, २०७८ फागुन
इजरायलका किसानले फलाएको २८९ ग्रामको स्ट्रबेरीले हालसम्मकै ठूलो स्ट्रबेरीको उपाधि पाएको छ । यो स्ट्रबेरीको उत्पादनका लागि चाँहि एरियल नामका किसानले १ वर्ष बिताएका थिए ।यो स्ट्रबेरी एरियल परिवारको मध्य इजरायलमा रहेको खेतबाट सन् २०२१ को फेबु्रअरीमा टिपिएको थियो । त्यसपछि यसलाई फ्रोजन गरेर राखिएको थियो ।

‘यसको नतिजाका लागि १ वर्ष लाग्यो । हामीले यसलाई १ वर्षसम्म फ्रिजिङको रुपमा राख्यौ । यो हुनुुपर्ने जत्तिको लामो थिएन,’ एरियलले बताए ।

यो स्ट्रबेरीलाई स्थानीय भाषमा इलान भनिन्छ र यो ठूलो आकारमा बढ्ने गर्छ । यो ठूूलो आकारको फल एक वर्ष अगाडि जस्तो आकारको थियो, त्योभन्दा आधा भएको एरियलले बताए ।

यस अघि विश्वकै ठूलो स्ट्रबेरीको उपाधी सन् २०१५ मा जापानको फुकुुओकामा फलेको स्ट्रबेरीको नाममा थियो । उक्त स्ट्रबेरीको आकार २५० ग्राम थियो । यो समाचार पाएपछि आफु नाचेको, बुुर्किसी मारेको, हासेको र गीत गाएको उनले बताएका छन् । ‘गिनिज बुुक रेकर्डमा समावेश हुन पाउँदा हामी खुसी भएका छौँ,’ उनले भने ।- एजेन्सी