खैरहनीमा रोटी पकाउँदा गम्भीर घाइते भएकी ७० वर्षीया वृद्धाको उपचारका क्रममा मृत्यु

भरतपुर, १९ फागुन
खैरहनीमा ७० वर्षीय एक वृद्धाको उपचारको क्रममा मृत्यु भएको छ । मृत्यु हुनेमा खैरहनी नगरपालिका वडा नं-९ स्थित करैया बस्ने मंगरी महत्तो रहेकी छन् ।

महत्तो आफ्नै घरमा रोटी पकाउने क्रममा आगोले पोलेर गम्भीर घाइते भएकी थिइन् ।

नयाँ मेडिकल कलेज भरतपुरबाट थप उपचारको लागि काठमाडौँस्थित बर्न अस्पताल कीर्तिपुर लैजाने क्रममा उनको बाटोमै मृत्यु भएको प्रहरीले जनाएको छ ।