धादिङमा खुर्पा प्रहार गरी ७२ बर्षीय वृद्धाको हत्या, एकजना पक्राउ

धादिङ, १४ असोज
धादिङको नेत्रावती गाउँपालिका-४ बस्ने ७२ बर्षीय सुकमाया गुरूङको धारिलो हतियार खुर्पा प्रहार गरी हत्या भएको छ ।

सोहि ठाउँ बस्ने ३६ वर्षीय मंगल गुरूङको संलग्नता रहेको अनुसन्धानको क्रममा खुलेको प्रहरीले जनाएको छ । सुकमाया आफ्नै घर नजिक सडकमा मृत अवस्थामा फेला परेको भन्ने खबर प्राप्त हुनासाथ प्रहरीले मंगललाई पक्राउ गरेको हो ।

प्रहरीका अनुसार पुरानो रिसइवी तथा बाख्राले बाली खाएको विषयलाई लिएर खुर्पा प्रहार गरी हत्या भएको हो। घटनाबारे प्रहरीले आवश्यक अनुसन्धान गरिरहेको छ ।