गजुरीमा पहिरो, पृथ्वी राजमार्ग अवरुद्ध

काठमाडौं, २८ साउन
पहिरोका कारण पृथ्वी राजमार्ग अवरुद्ध भएको छ ।

आइतबार अपराह्न करिब साढे ४ बजे धादिङको गजुरी गाउँपालिका–१ स्थित गाउँपालिकाको कार्यालयनजिकै सडकमा पहिरो खसेको प्रहरीले जनाएको छ ।

अविरल वर्षासँगै सडकमाथिबाट लेदोसहितको पहिरो खसेर बाटो दुईतर्फी नै अवरुद्ध भएको इलाका प्रहरी कार्यालय गजुरीले जानकारी गराएको छ । प्रहरीका अनुसार पहिरो पन्छाउने कार्य जारी छ ।