भक्तपुर, माघ १०-
नेकपा (एमाले) का सचिव महेश बस्नेतले भक्तपुरको माटो आफ्नै भएको बताएका छन्। उनले भक्तपुरको विकासका लागि आफू नथाक्ने बताउँदै भक्तपुरको माटोसँगै यहाँका सपना पनि आफ्नै भएको बताएका हुन्।
सामाजिक सञ्जालमा शनिबार स्टाटस लेख्दै उनले जनताको पीडा, आशा र भरोसालाई आफ्नो जिम्मेवारी ठानेर निस्वार्थ सेवामा समर्पित र देश र भक्तपुरको इज्जत, पहिचान र शिर सधैँ राख्दै इमानदारीताको बाटोमा हिँड्ने दाबी समेत गरेका छन्।
‘भक्तपुर मेरो माटो हो, यहाँका सपना मेरा सपना हुन्। त्यसैले यसको विकासका लागि म थाक्दिनँ, रोकिँदिनँ’ भन्दै उनले भक्तपुर(२ का जनतासगँ मतको अपिल गरेका छन्।
हेर्नुस् उनको काव्यात्मक शैलीको अपिल
भक्तपुर मेरो माटो हो,
यहाँका सपना मेरा सपना हुन्।
त्यसैले यसको विकासका लागि म थाक्दिनँ, रोकिँदिनँ।
जनताको पीडा, आशा र भरोसालाई
आफ्नो जिम्मेवारी ठानेर
निस्वार्थ सेवामा आफू समर्पित गर्नेछु।
देश र भक्तपुरको इज्जत, पहिचान र शिर
सधैँ उँचो राख्न
इमानदारी मेरो मार्ग हुनेछ।
तपाईंको मत-मेरो वाचा।
आफ्नै ठाउँका मान्छे, आफ्नै मनको माया।
हाम्रो भक्तपुर, हाम्रो नेतृत्व।
Leave a Reply