काठमाडौँ, ११ कात्तिक :
जेन–जी आन्दोलन र त्यसपछिका घटनाक्रममा संलग्न भन्दै प्रहरीले अहिलेसम्म करिब २ सय ५० जनालाई पक्राउ गरेको छ।
भदौ २३ गते गोली लागेर १७ जनाको मृत्यु भएपछि आक्रोशित प्रदर्शनकारीहरूले भोलिपल्ट सरकारी तथा व्यावसायिक भवनहरूमा आगजनी र तोडफोड गर्नुका साथै प्रहरीको हत्या गरेका थिए।
काठमाडौं उपत्यकासहित देशभरि भएका तोडफोड, लुटपाट र आगजनीका घटनामा २४५ जनाभन्दा बढीलाई पक्राउ गरिएको प्रहरी प्रधान कार्यालय नक्सालले जनाएको छ।
जिल्ला प्रहरी परिसर काठमाडौंले तीन जना प्रहरीको हत्यामा संलग्न भन्दै १२ जनालाई पक्राउ गरेको छ।