काठमाडौं, असोज २५
कान्तिपुर भेट डिस्ट्रिव्युटर्सका संचालक अध्यक्ष सुना सुवेदीलाई प्रहरीले पक्राउ गरेको छ ।
उनलाई काठमाडौंको शंखमुलबाट पक्राउ गरिएको केन्द्रिय अनुसन्धान ब्यूरो (सीआईबी)का एसएसपी शिव कुमार श्रेष्ठले जानकारी दिए ।
सुवेदी सर्लाहीको ईश्वरपुर घर भएर काठमाडौँ महानगरपालिका–१३ स्थित शंखमुल बस्दै आएकी थिइन् ।
कान्तिपुर भेट ललितपुरमा सञ्चालित ठुलो भेटेनरी कम्पनी हो ।
पशुसेवा विभागबाट अनुमति लिएको भन्दा बाहिरको प्रतिबन्धित औषधीहरू किर्ते कागजात बनाएर आयात गरेर सो कम्पनीले बेच्ने गरेको सीआईबीको प्रारम्भिक अनुसन्धानबाट थाहा भएको छ ।
विभागबाट पशुपन्छीको फिड सप्लिमेन्ट, प्रोवायोटिक्स, भिटामिन, मिनरल र टक्सिन वाइन्डर भन्दा थप सामग्री आयात गर्न सो कम्पनीका सञ्चालकले किर्ते कागजात बनाएको भेटिएको एसएसपी श्रेष्ठले बताए ।
Leave a Reply