ताप्लेजुङमा बोलेरो गाडी दुर्घटना

ताप्लेजुङ ,असोज २१ –
ताप्लेजुङ जिल्लाको आठराई त्रिवेणी गाउँपालिका–३ मिचिरीङमा आज बिहान बोलेरो गाडी दुर्घटना भएको छ ।

आज बिहान करिब ९ः०० बजे निगुरादिनबाट फुङलिङ सदरमुकामतर्फ जाँदै गरेको मे।१।ज २५१९ नम्बरको बोलेरो गाडी सडकबाट पल्टिँदा तीन जना घाइते भएको प्रहरीले जनाएको छ। घाइतेहरुलाई उपचारका लागि पाँचथरको फिदिम पठाउने तयारी भइरहेको बताइएको छ।

प्रहरीका अनुसार दुर्घटनामा परेर घाइते हुनेहरूमा सिदिङवा गाउँपालिका–५ लिम्बुदिन निवासी २५ वर्षीया सविना श्रेष्ठ (टाउको र निधारमा चोट), आठराई त्रिवेणी गाउँपालिका–३ हाङपाङ निवासी २६ वर्षीया रञ्जिता लिम्बु (बायाँ हात र टाउकोमा चोट) र सोही गाउँपालिकाका निगुरादिन निवासी घनश्याम ब्याङ्गु (बोलेरो चालक) रहेका छन् भने तीनै जनाको अवस्था सामान्य रहेको छ।