पहिरोका कारण नारायणगढ–मुग्लिन सडकखण्ड अबरुद्ध

चितवन, ३१ भदौ :
पहिरोका कारण नारायणगढ–मुग्लिन सडकखण्ड अबरुद्ध भएको छ ।

आज साँझ ८ः५० बजेको समयमा इच्छाकामना गाउँपालिका ५ तुइनखोला स्थित सडकखण्डमा माथिबाट सुख्खा पहिरो खसेर सडक अबरुद्ध भएको हो ।

इलाका प्रहरी कार्यालय मुग्लिनका प्रहरी निरीक्षक प्रतिक सिंहका अनुसार सडकखण्ड दुईतर्फी रुपमा नै अबरुद्ध भएको छ ।

यस्तै सोही सडकखण्डको नाम्सी खोलामा पहिरो खसेर सडक एकतर्फी अबरुद्ध भएको छ ।

अहिले दुबै ठाउँको पहिरो पन्छाउने काम भइरहेको सिंहले जानकारी दिनुभयो । अहिले सो क्षेत्रमा पानी परिरहेको छ । पहिरो खसेपछि गन्तव्यमा हिडेका सवारीसाधन रोकिएका छन ।