गैंडाकोटको ईन्फिनिटी लघुवित्त वित्तीय संस्थाको सीपमूलक तालिम देशभरका ४१ शाखामा सम्पन्न

चितवन, असार ३ –
नवलपरासी पूर्वको गैंडाकोटमा केन्द्रीय कार्यालय रहेको ईन्फिनिटी लघुवित्त वित्तीय संस्था लिमिटेडले व्यावसायिक सीपमूलक तालिम सञ्चालन गरिरहेको छ ।

आफ्नो समुहमा आवद्ध सदस्यहरुको क्षमता अभिवृद्धी गरी स्वरोजगार सृजना गर्ने उद्देश्यले संस्थाले विभिन्न सीपमूलक तालिम अन्र्तगत व्यावसायिक बाख्रा पालन तालिम, व्यावसायिक तरकारी खेती तालिम, कुखुरा पालन, च्याउ खेती, बुङ्गुर पालन, मौरी पालन, माछा पालन तालिम दिँदै आएको छ ।

संस्थाको देशभर रहेका ८८ वटा शाखाहरु मध्ये ४१ वटा शाखामा तालिम सम्पन्न भइसकेको छ । संस्थाले हालसम्म ४१ वटा शाखामा ३५८६ जना आफ्ना सदस्यहरुलाई तलिम दिएको संस्थाका प्रशिक्षक कृष्णप्रसाद पौडेलले चितवन आजलाई जानकारी दिए ।

अन्य शाखामा पनि क्रमशः तालिम सञ्चालन गर्ने उनले बताएका छन् । आज पश्चिम नेपालको सुर्खेत शाखामा तालिम सम्पन्न गरिएको छ ।