मेट्स इन्टरनेशनलद्वारा ग्लोबल स्टडी एक्स्पो २०२५ आयोजना हुने

चितवन, नारायणगढ –
मेट्स इन्टरनेशनल (Education & Visa Services) ले आउँदो १९ सेप्टेम्बर २०२५ (बिहान ११ बजे देखी अपराह्न ४ बजे) नारायणगढको शहिदचोकमा “ग्लोबल स्टडी एक्स्पो” आयोजना गर्ने भएको छ।

यस एक्स्पोमा अष्ट्रेलिया, क्यानडा, बेलायत र अमेरिकाका प्रतिष्ठित विश्वविद्यालय तथा कलेजका प्रतिनिधिहरूसँग विद्यार्थीहरूले प्रत्यक्ष भेटघाट गरी अध्ययन योजना, भर्ना प्रक्रिया, छात्रवृत्ति र भविष्यका अवसरबारे जानकारी लिन सक्नेछन्।

सोही दिन विद्यार्थीहरूले प्रत्यक्ष परामर्श लिई योग्य ठहर भएमा तत्कालै Conditional Offer (शर्तसहितको अफर) वा Unconditional Offer (शर्तरहित अफर) प्राप्त गर्न सक्ने अवसर रहनेछ।

त्यसैगरी, कार्यक्रममा बैंकका प्रतिनिधिहरू उपस्थित हुने भएकाले विद्यार्थी तथा अभिभावकहरूले शैक्षिक ऋण (Education Loan) सम्बन्धी प्रत्यक्ष जानकारी पाउनेछन्। साथै, British Council IELTS र PTE Academic का प्रतिनिधिहरू समेत रहने भएकाले विद्यार्थीहरूले भाषा परीक्षासम्बन्धी ओरिएन्टेशन र तयारीबारे मार्गदर्शन लिन सक्नेछन्।

Mates International नेपालमा स्थापित एक अग्रणी शैक्षिक परामर्श संस्था हो जसले विगत लामो समयदेखि विद्यार्थीहरूलाई अन्तर्राष्ट्रिय शिक्षा, विश्वविद्यालय छनोट, भिसा प्रोसेस, छात्रवृत्ति अवसर र करियर काउन्सिलिङ मा सहयोग गर्दै आएको छ। संस्थाले अस्ट्रेलिया, क्यानडा, बेलायत, अमेरिका लगायतका देशका विश्वसनीय शिक्षण संस्थासँग सहकार्य गर्दै हजारौं विद्यार्थीलाई अध्ययन र करियरमा सफलता दिलाइसकेको छ।

आयोजकले यो एक्स्पोले विद्यार्थीहरूलाई अन्तर्राष्ट्रिय अध्ययन यात्रामा सही निर्णय लिन, प्रत्यक्ष सल्लाह लिन र भविष्यलाई अझ उज्वल बनाउन एक अद्वितीय अवसर प्रदान गर्ने विश्वास व्यक्त गरेको छ।