Category: विचित्र संसार

न्यूयोर्क । असहज अवस्था निम्तिएपछि उडिसकेको बोइङ ७४७ कार्गो जेटलाई विमानस्थल नै फर्काइएको छ । विमानभित्र स्टलमा बाँधेर राखिएको घोडा फुकेपछि करिब ३१ हजार फिटमाथि उडिरहेको विमानलाई फर्काइएको हो ।

नोभेम्बर ९ मा विमान न्यूयोर्कको जोन एफ केन्नेडी विमानस्थलबाट बेल्जियमको लिएजतर्फ १५ वटा घोडा बोकेर सो विमान उडेको थियो । विमान उडेको ९० मिनेटपछि स्टलमा बाँधिएको घोडा एकाएक फुक्यो भने उफ्रिएर स्टलको बारमा अड्कियो ।

वर्षभरमा आफूहरूले हजारौँ घोडा कार्गोबाट पठाउने गरेको भएपनि यस्तो खालको घटना चाँहि आफूले दोस्रो पटक देखेको जोन एफ केन्नेडी विमानस्थलमा पशु क्वारेनटिन र निर्यात विभागका प्रमुख जोन कुटिसेल्ली भन्छन् ।

केही गरेर पनि घोडालाई स्टलमा फर्काएर बाँध्न नसकेपछि विमानलाई फर्काइयो । ‘विमान उडाउन हामीहरूलाई कुनै समस्या छैन, तर हामीले घोडालाई बाँध्न सकेनौँ,’ एक जना पाइलटले भनेका थिए । सो विमान सोही दिन ३ घण्टा पछि पुनः उडेको थियो । यस्तो खालको घटना नयाँ भने होइन । सन् २०२३ को अक्टोबरमा बैंककबाट उडेको भियतजेटमा एउटा अटर र मुसा भागेपछि विमानभित्र हङ्गामा मच्चिएको थियो । बग्दादबाट दुबईतिर गइरहेको एउटा विमानमा क्रेटमा राखिएको बाघको बच्चा भागेपछि पनि विमानभित्र खैलाबैला भएको थियो । -एजेन्सी

काठमाडौँ, कात्तिक २४
दक्षिण कोरियामा रोबोटले एक जनाको हत्या गरेको छ । दक्षिण कोरियाली समाचार एजेन्सी योनहापका अनुसार परीक्षणका क्रममा रोबोटले मानिसको हत्या गरेको हो ।

खुर्सानीको डब्बालाई उठाएर ‘प्यालेट’मा राख्नका लागि उक्त रोबोट परिचालन गरिएको थियो । तर, रोबोटले मानिस र डब्बाबिच अन्तर छुट्याउन नसक्दा एक कर्मचारीलाई नै खुर्सानीको डब्बाझैँ समातेर ‘कन्वेयर बेल्ट’ मा धकेलिदिएको थियो । जसका कारण ती व्यक्तिको अनुहार र छाती च्यापिएको थियो ।

गम्भीर घाइते अवस्थामा अस्पतालमा लगिएका ती व्यक्तिको मृत्यु भएको बताइएको छ । समाचार एजेन्सीहरुका अनुसार ती व्यक्ति ८ नोभेम्बरमा दक्षिण ग्योङसाङ प्रान्तमा रोबोटको सेन्सर सञ्चालनसम्बन्धी जाँच गरिरहेका थिए ।

रोबोट परीक्षणको योजना ६ नोभेम्बरकै लागि तय भए पनि सेन्सर सम्बन्धी समस्याका कारण दुई दिन ढिलो गरी परीक्षण गरिएको थियो ।

रोबोटिक आर्म बनाउने कम्पनीका ती कर्मचारी बुधबार राति अबेरसम्म मेसिनको परीक्षण गरिरहेका थिए । रासस

काठमाडौँ, १९ असोज
सामान्यतया जङ्गलमा आफ्नै झुण्डमा रमाउने बाँदर सार्वजनिक बस चढेर ३० किलोमिटरको यात्रा गर्‍यो भन्दा धेरैलाई अनौठो लाग्न सक्छ । चकचके स्वभावका कारण पनि बाँदरले एउटै बसमा यतिलामो यात्रा गरेको कुरा पत्याउन कठिन हुन्छ ।

तर, भारतको कर्नाटक राज्यमा एउटा बाँदरले ३० किलोमिटर लामो यात्रा बसमा चढेर गरेको छ । त्यो पनि अन्य यात्रुसरह उसले सीटमै बसेर यात्रा गरेको हो ।

उक्त बाँदरको यात्रालाई सो बाँदरको यात्रालाई गणेश नुलागेरी नाम गरेका यात्रीले भिडियोमा समेटेका हुन् । उनले सामाजिक सञ्जालमा राखेपछि अहिले उक्त भिडियो भाइरल भएको छ ।

भारतीय मिडियामा प्रकाशित समाचारका अनुसार उक्त बाँदरले हावेरी बस स्ट्याण्डबाट आफ्नो यात्रा सुरु गरेको थियो । झण्डै ३० किलोमिटरको यात्रापछि सो बाँदर हमसभावी गाउँमा पुगेर बसबाट उत्रिएको बताइएको छ ।

भिडियोमा उक्त बाँदर कहिले झ्यालमा बसेर बाहिरको दृश्य हेरिरहेको तथा कहिले सीटमा बसेको देख्न सकिन्छ । बसमा उक्त बाँदरका लागि दुई वटा सीट खाली छाडिएको थियो । बसमा यात्री भने खचाखच थिए । केही यात्री उभिएर समेत यात्रा गरिरहेको उक्त भिडियोमा देखिन्छ ।

ಕಾಂಗ್ರೆಸ್‌ ಸರ್ಕಾರದಲ್ಲಿ ಮಹಿಳೆಯರಿಗೆ ಬಸ್‌ ಪ್ರೀ ಅಂದಿದ್ದರ ಪರಿಣಾಮ
ಹಾವೇರಿ To ಹಿರೇಕೆರೂರಿಗೆ 30 KM ಬಸ್‌ನಲ್ಲಿ ಪ್ರಯಾಣ ಮಾಡಿದ ಕೋತಿ.
ಟಿಕೆಟ್‌ ತಗೋ ಅಂದ್ರೆ ನಾನೂ ಹೆಣ್ಣು ಅಂತಂತೆ..!!
ಆಧಾರ್‌ ಕಾರ್ಡ್‌ ಎಲ್ಲಿ ಅಂದ್ರೆ ಮರದ ಮೇಲಿದೆ ಅಂತಂತೆ..!!
ಏನೇ ಮಂಗನಿಂದ ಮಾನವ ಅಲ್ಲವೇ ?#Congress #Shakthi #freebus #gurenartes pic.twitter.com/qHyMzt1PoB

— ಒಕ್ಕಲಿಗ ಸಮರ್ಥ ( Okkaliga Samartha ) (@NanuVokkaliga) October 4, 2023

छिमेकी मुलुक भारतको उत्तर प्रदेशस्थित कानपुरमा अनौठो घटना भएको छ । त्यहाँका एकजना किसान बाख्राको विरुद्धमा फूल चोरीको उजुरी गर्नका लागि प्रहरी चौकीमा पुगेपछि प्रहरीहरु नै तिनछक परे ।

केही बाख्राहरु आफ्नो खेतमा पसेर सयपत्री फूल खाइदिएको ती किसानले बताएका छन् ।

उनले फूल खाँदै गरेको अवस्थामा दुईवटा बाख्रालाई रंगेहात पक्रिएका थिए । र, तिनै बाख्राहरुलाई अटो रिक्सामा राखेर उनी प्रहरी चौकी पुगे ।

फूल चोरीको आरोपमा अभियुक्त बाख्रासहित किसान उजुरी गर्न आएपछि प्रहरी पनि असमञ्जसमा परेको छ । आखिर ती बाख्राविरुद्ध कुन अभियोगमा कारबाही गर्ने ?

यो घटना भीतरगाउँ इलाकाको गौरी काकरा गाउँमा भएको हो । त्यस क्षेत्रमा फूलको खेती हुने गर्दछ । स्थानीय किसान शैलेन्द्र निषादले पनि फूल खेती गर्दै आएका छन् ।

यो वर्ष उनले सयपत्री फूल लगाएका थिए आफ्नो खेतमा । तर, पछिल्ला दिनहरुमा शैलेन्द्र चिन्तित थिए । किनकि उनको खेतमा फूलेका फूलहरु बेलुकीको समयमा कसैले सुटुक्क टिपेर लैजाने गरेको रहेछ ।

उनले गाउँलेहरुलाई आफ्नो फूल कसैले टिपेको पो हो कि भनेर सोधनी पनि गरे । तर, केही पत्ता लागेन । अन्ततः उनले आफ्नो खेतका फूलहरु चोर्ने फूलचोर पत्ता लगाउने निधो गरे ।

गत सोमबार शैलेन्द्र फूल बेच्न सहर गएनन् । उनी सुटुक्क लाठी लिएर फूल रोपेको खेतमा गएर निगरानी गर्दै लुकेर बसे । त्यस क्रममा उनले साँझपख चार पाँचवटा बाख्राको बथान आएर फूल खान थालेको फेला पारे ।

आफूले दुःख गरेर हुर्काएका फूलहरु बाख्राले कपाकप खाइदिन थालेपछि शैलेन्द्रको रिसको पारो तात्यो । उनी दौडिएर ती बाख्रा समाउन गए । तर बाख्राहरु भागे ।

अन्तिममा उनले दुईवटा बाख्रालाई चाहिं समाइछाडे । उनी तिनै दुईवटा बाख्रालाई लिएर सडकमा आए अनि अटोरिक्सामा राखेर सीधै प्रहरी चौकीमा गए ।

चौकीमा बाख्रालाई लिएर तिनै बाख्राविरुद्ध उजुरी गर्न आएका शैलेन्द्रलाई देख्दा प्रहरीलाई पनि अनौठो लाग्यो । शैलेन्द्रको गुनासो सुनेपछि प्रहरीले ती बाख्राको मालिकको खोजीनीति गर्‍यो । ती बाख्राहरु गाउँकी एक महिलाका रहेछन् ।

अन्ततः ती महिलालाई पनि चौकीमा बोलाएर केरकार गरियो । त्यसक्रममा ती बाख्रालाई बाँधेको दाम्लो कोही मानिसले फुकाइदिएका कारण बाख्राहरु खेतमा पसेको खुल्न आयो ।

प्रहरीले आगामी दिनमा आफ्नो घरमा पालेका बाख्राहरुलाई राम्रोसँग सम्हाल्न भन्दै पुनः त्यसरी फूल खाइदिएमा कारबाही गर्ने भन्दै बाख्राधनीलाई चेतावनी दियो ।

बाख्राधनी महिलाले सो घटनाका लागि फूलधनीसँग माफी मागेपछि फूलधनी शैलेन्द्रले प्रहरीमा कुनै लिखित उजुरी दर्ता गराएनन् । तथापि सो घटना स्थानीय क्षेत्रमा निकै चर्चाको विषय बन्न सफल भयो । एजेन्सी

प्रहरीले कुनै अपराधमा संलग्न मानिसलाई हतकडी लगाउनु त स्वभाविकै हो । तर, मेक्सिकोमा भने पुलिसले एउटा गुडियालाई पक्राउ गरी हतकडी लगाएको छ ।

आखिर पुलिसले एउटा निर्जिव गुडियालाई किन पक्राउ गर्यो त ?

समाचार अनुसार त्यो गुडियाका मालिकले अन्य व्यक्तिहरुलाई तर्साउनका लागि त्यस गुडियाको प्रयोग गर्ने गरेको थाहा पाएपछि प्रहरीले गुडियालाई नियन्त्तणमा लिएको हो ।

सो गुडियाको नाम चकी हो । अधिकारीहरुले त्यसलाई राक्षसी गुडिया भनेका छन् । गुडियाका मालिकले मानिसहरुलाई तर्साउनका लागि उक्त गुडियाको हातमा चक्कु राखिदिने गरेको खुलासा भएको छ ।

न्युयोर्क पोस्टको रिपोर्ट अनुसार पुलिसले गुडियासँगै त्यसका मालिकलाई पनि पक्रिएको छ । उत्तरी मेक्सिकोको कोहुइला राज्यस्थित मोनक्लोवा सहरमा सेप्टेम्बर ११ मा गुडिया र त्यसलाई दुरुपयोग गर्ने व्यक्ति पक्राउ परेका हुन् । उनीमाथि सार्वजनिक शान्ति व्यवस्था बिगारेका र मानिसहरुलाई खतरामा पारेको अभियोग लगाइएको छ ।

मोनक्लोवा पुलिसका पूर्वनिर्देशक जुआन राउल अल्कोसरका अनुसार कार्लोस नामक ती व्यक्ति सहरको मुख्य चोकमा नशाले मातेको अवस्थामा थिए । उनले आफ्नो अनुहारमा गुडियालाई राखेका थिए र मानिसहरुलाई तर्साइरहेका थिए ।

प्रहरीले कार्लोस र उनको गुडिया समेतलाई पक्राउ गरी पुलिस चौकीमा लगेर हतकडी लगायो । पुलिसले गुडियाको कपालमा समाएको र हातमा हतकडी लगाएको तस्वीर सार्वजनिक भएको छ । गुडियासँग एउटा चक्कु पनि देखिन्छ ।

उक्त गुडिया सन् १९८८ मा बनेको हरर फिल्म चाइल्ड्स प्ले मा चर्चित बनेको थियो ।

उता चर्चा कमाउनका लागि गुडियाको हातमा समेत हतकडी लगाउने पुलिस अधिकारी समेत कारबाहीमा परेका छन् । -एजेन्सी