पल शाह प्रकरण : पीडित भनिएकी नाबालिग गायिकाले बयान फेर्दै भनिन्, उक्साहटमा परेर जाहेरी दिएको भनाइ

काठमाण्डौ, वैशाख ४ –

बलात्कार अभियोगमा थुनामा रहेका अभिनेता पल शाह प्रकरणमा पीडित भनिएकी नाबालिग गायिकाले बयान फेरेकी छन् ।

जिल्ला अदालत तनहुँ र नवलपुर दुवैको आदेशले पल शाह पुर्पक्षका लागि थुनामा गएका बेला नाबालिगले ‘होस्टाइल’ हुँदै बयान फेरेकी हुन् ।

नाबालिग बालिका ‘होस्टाइल’ भएर बयान दिएको उनको पक्षबाट मुद्दा लडिरहेका एकजना कानुन व्यवसायीले बताए । पीडित गायिकाले ‘जाहेरीमा उल्लेखित विवरणहरू सत्य नभएको र उक्साहटमा परेर जाहेरी दिएको जिकिर गरेकी छिन् ।’

बयान फेर्नेलाई ६ बर्ष कैद सजाय हुने कानुनी व्यवस्था रहेको छ ।