काठमाडौं, साउन १२-
पाकिस्तानसँगको दोस्रो टेस्ट क्रिकेटमा श्रीलङ्का दुई सय ४६ रनले विजयी भएको छ ।
गाल्लेमा श्रीलङ्काले दिएको पाँच सय आठ रनको लक्ष्य पछ्याएको पाकिस्तान अन्तिम दिनको खाना समयपछि दुई सय ६१ रन बनाउँदा अलआउट भयो ।
पाकिस्तानका लागि कप्तान बाबर आजमले सर्वाधिक ८१ रन बनाए । बलिङतर्फ श्रीलङ्काका प्रवाथ जयसूर्याले पाँच र रमेश मेन्डिसले चार विकेट लिए ।
पहिलो पारीमा एक सय ४७ रनको अग्रता बनाएको श्रीलङ्काले दोस्रो पारीमा आठ विकेट गुमाएर तीन सय ६० रनमा पारी समाप्तिको घोषणा गरेपछि पाकिस्तानले पाँच सय आठ रनको लक्ष्य पाएको हो ।
पहिरो पारीमा पाकिस्तान दुई सय ३१ रनमा अलआउट भएको थियो ।
आजको जितसँगै दुई खेलको शृङ्खला एक–एकको बराबरीमा सकिएको छ । पहिलो टेस्ट पाकिस्तानले जितेको थियो ।
Leave a Reply