भरतपुर, १२ पुसः
कैलाश युथ क्लब, भरतपुर ११ ले सामाजिक उत्तरदायित्वको अंशका रूपमा आर्थिक सहयोग गरेको छ ।
भरतपुर ११, कैलाश टोलका ४० वर्षीय बिनोद लामिछानेको कलेजो खराब भएपछि उनलाई काठमाडौंको टिचिङ अस्पतालमा उपचार गरिँदै छ। चिकित्सकले कलेजो प्रत्यारोपण गर्नु पर्ने सुझाव दिएका छन्, जुन अत्यन्त खर्चिलो प्रक्रिया हो। बिरामीको आर्थिक अवस्था कमजोर रहेकोले उपचारका लागि ठूलो आर्थिक चुनौती रहेको छ।
यस समस्यालाई ध्यानमा राख्दै कैलाश युथ क्लब र क्लबका कार्यसमिति सदस्यहरूले आर्थिक सङ्कलन गरी बिरामीको परिवारलाई नगद रु. ११,११० सहयोग राशि हस्तान्तरण गरेको छ। क्लबका पदाधिकारीहरूको तर्फबाट यो राशि सिधै परिवारलाई प्रदान गरिएको हो।
क्लब परिवारले बिरामी बिनोद लामिछानेको चाँडो नै स्वास्थ्य लाभ हुन्छ भन्ने कामना गरेको छ। साथै, क्लबले आवश्यक परेको अवस्थामा सामाजिक दायित्व पूरा गर्न सधैं तत्पर रहने प्रतिबद्धता जाहेर गरेको छ।
क्लबका अध्यक्ष सबिन अधिकारीले क्लब परिवारप्रति हार्दिक धन्यवाद र आभार प्रकट गर्नुभएको छ।
Leave a Reply