चितवन, मंसिर २८-
चितवनको भरतपुर–२७ पर्साढाप क्षेत्रमा युवाहरूको समूहले व्यापक सरसफाइ कार्यक्रम सम्पन्न गरेका छन् ।
युवा अगुवा दिपेश काफ्लेको नेतृत्वमा सम्पन्न कार्यक्रममा स्थानीय युवाहरूको सक्रिय सहभागिता रहेको थियो।
‘आफ्नो गाउँ आफैं सुन्दर बनाऔं’ भन्ने उद्देश्यका साथ कार्यक्रम आयोजना गरिएको काफ्लेले बताए।
युवाहरूले यसअघि पनि सरसफाइ, वृक्षारोपण, सिविरजस्ता सामाजिक कार्यक्रम गर्दै आएका छन्।
युवाहरूले आफ्नो जोश, जागर र शक्तिलाई सकारात्मक रूपमा प्रयोग गर्दै समाज रूपान्तरणमा निरन्तर अघि बढ्ने र आगामी पुस्तालाई पनि सामाजिक कार्यमा सहभागी हुन प्रेरित गर्ने प्रतिबद्धता व्यक्त गरेका छन्।
Leave a Reply