महाराजगन्जका प्रहरी जवानको हत्यामा संलग्न थप एक जना पक्राउ

५ कात्तिक, काठमाडौं।
प्रहरी वृत्त महाराजगन्जमा कार्यरत प्रहरी जवान उत्तम थापाको हत्यामा थप एक जनालाई प्रहरीले पक्राउ गरेको छ।

जिल्ला प्रहरी परिसर काठमाडौंको टोलीले २१ वर्षीय सोङ गुरूङलाई पक्राउ गरेको हो।

सोङ काठमाडौंको धुम्बाराहीबाट पक्राउ परेका हुन्।

भदौ २४ गते आन्दोलन क्रममा महाराजगन्ज वृत्तमा प्रहरी जवान उत्तम थापा र असई मिलन रायको हत्या भएको थियो।

प्रदर्शनकारीहरूले प्रहरी वृत्तमा आगजनी समेत गरेका थिए।