धोबीखोलामा युवकको शव फेला

काठमाडौँ मङ्सिर १८
काठमाडौँको मदनभण्डारी कलेज नजिकै रहेको धोबीखोलमा बिहीबार बिहान एक युवकको शव फेला परेको छ । साइकलसहित ती युवक खोलामा डुबेको अवस्थामा मृत फेला परेका हुन् ।

जिल्ला प्रहरी परिसर काठमाडौँका एसपी पवन भट्टराईका अनुसार अन्दाजी २५ वर्षीय ती युवकको पहिचान भने खुल्न सकेको छैन । ‘उनको साथमा रहेको कागजातबाट हामीले पहिचान खुलाउने प्रयास गर्दैछौँ,’ भट्टराईले भने ।