काठमाडौँ, कार्तिक २२-
विश्व रेडियोग्राफी दिवस २०२५ को अवसरमा नेपाल रेडियोलोजिकल सोसाइटी, बागमती प्रदेशले रेडियोलोजी तथा रेडियोग्राफीको महत्व जनस्तरसम्म पुर्याउने उद्देश्यले र्याली तथा जनचेतना कार्यक्रम गरेको छ।
यस वर्षको अन्तर्राष्ट्रिय स्लोगन “Empowering Healthcare Through Imaging Excellence” रहेको छ, जसले आधुनिक इमेजिङ प्रविधिमार्फत स्वास्थ्य सेवा सशक्त बनाउन रेडियोलोजिस्ट र रेडियोग्राफरहरूको महत्वपूर्ण भूमिकालाई उजागर गर्दछ।
रेडियोलोजिकल सोसाइटीका अध्यक्ष चिरन्जिबी पन्थीका अनुसार रेडियोलोजी र रेडियोग्राफी स्वास्थ्य सेवाको मेरुदण्ड हुन्, जसले रोगको छिटो र सही निदानमा सहयोग पुर्याउँछन्। उनले सरकार र निजी क्षेत्रलाई रेडियोलोजी विभागलाई थप सशक्त बनाउन ध्यान दिन आग्रह गरे।
नेपाल रेडियोलोजिकल सोसाइटी २०४७ सालमा स्थापना भएको हो र हाल सातै प्रदेशमा आफ्नो गतिविधि विस्तार गर्दै रेडियोलोजिस्ट र रेडियोग्राफरहरूको हकहित र व्यावसायिक विकासका लागि काम गर्दै आएको छ।
Leave a Reply