राष्ट्रिय युवा संघ नेपाल चितवनको संयोजकमा सन्तोष श्रेष्ठ, सह संयोजकमा उत्तम सेढाई

चितवन, असोज २ –
राष्ट्रिय युवा संघ नेपाल चितवनको संयोजकमा मधुपर्क श्रेष्ठ (सन्तोष) र सह संयोजकमा उत्तम सेढाई चयन भएका छन् ।

आज सम्पन्न राष्ट्रिय युवा संघ नेपाल जिल्ला कमिटी चितवनको भेलाले श्रेष्ठलाई संयोजकको जिम्मेवारी सुम्पेको हो । श्रेष्ठको नेतृत्वमा जिल्ला कमिटीको अधिवेशन सम्पन्न हुनेछ ।

राष्ट्रिय युवा संघ नेपालकी केन्द्रीय सदस्य एवम् चितवन जिल्ला इन्चार्ज अमृता भट्टराईको प्रमुख उपस्थितिमा सम्पन्न भेलामा नेकपा एमाले केन्द्रीय सदस्य एवम् संविधान सभा सदस्य कृष्णभक्त पोखरेल, नेकपा एमाले चितवनका अध्यक्ष कमलराज पाठक, उपाध्यक्ष श्याम विष्ट, सचिव प्रकाश ढुंगाना, एमाले चितवनका लेखा कमिटी अध्यक्ष शंकर अधिकारी लगायतको उपस्थिति रहेको थियो ।