Category: मधेस प्रदेश

इन्दिप कोइराला
बारा, ५ असार-

जग्गा विवाद झिकेर निर्माणधिन बाराको जितपुरसिमरा उपमहानगरपालिकास्थित बालगंगा नदीमा पुल निर्माण कार्य अलपत्र पर्ने सखरा हाउजिङ कम्पनी प्रालि बसुन्धरा काठमाडौंलाई कारबाही गर्न स्थानीयले माग गरेका छन् ।

सिमरा–कोल्हवी सडकखण्ड अन्तर्गत जितपुरसिमरा उपमहानगर १२, १५ र १८ को सिमानामा पर्ने बालगगां खोलाको पुल सो कम्पनीको लापरवाहीका कारण अलपत्र परेको भन्दै स्थानीय रुष्ट बनेका हुन् । आक्रोशित स्थानीयको अलपत्र पुलको निर्माण रोक्ने सखरा हाउजिङ कम्पनीलाई वडा कार्यालयहरूबाट आवश्यक हुने कागजात रोक्का गर्न जनप्रतिनिधिहरूसँग माग गरेको थियो ।

सो वडाका वडा अध्यक्षले समेत स्थानीयको मागलाई तत्काल सम्बोधन गर्दै उक्त कम्पनीले समस्या समाधन नगरेसम्म कम्पनीसँग सम्बन्धित कुनै काम वा सिफारिस नगर्ने बताएका छन् । जग्गा कारोबारीको नाममा खोलामा परेको जिल्ला किन्ने, मास्ने र जनताको हितको काममा अवरोध सृजना गर्ने सखरा हाउजिङ कम्पनीको कुनै काम नगर्ने नवनिर्वाचित वडा अध्यक्षहरूले बताएका छन् ।

पुल निर्माणको काम रोकिँदा दैनिक हजारौं सर्वसाधारण जनताले दुःख पाएको भन्दै स्थानीयहरूले कम्पनीविरुद्ध संर्घषमा उत्रिने घोषणा गरेको छन् । वर्षायामसँगै बाढी र डुवानका कारण आवागमनमा समस्या भोग्दै आएका स्थानीयले आवागमनलाई सहज पार्न सम्बन्धित पक्षलाई पटकपटक ध्यानाकर्षण गराउँदासमेत वास्ता नगरेको स्थानीयको भनाइ छ ।

स्थानीयले पुल निर्माणको लागि दवाव दिने उद्देश्यले वडा नम्बर १८ बडहर्वाका राजेश भण्डारीको अध्यक्षतामा ३४ सदस्य संघर्ष समिति गठन गरेको छ ।गत चैत मसान्तसम्म निर्माण सम्पन्न गरिसक्ने गरी निर्माण भइरहेको पुल आफ्नो जग्गामा परेको भन्दै डिभिजन सडक कार्यालय हेटौंडाको विरुद्ध २७ माघ २०७७ सखरा हाउजिङ कम्पनी प्रा‍लि बसुन्धरा काठमाडौंले जिल्ला अदालत बारामा मुद्दा हालेको थियो ।

कम्पनीले साविक डुमरवाना गाविस- ४ को कित्ता नम्बर ४३४ को १ बिघा र कित्ता नम्बर ४३५ को ३ कठ्ठा जमिन मध्ये १ बिगाह १ कठ्ठा जमिनमा पुल बनेको दावी गरेको छ । कम्पनीको तर्फबाट कलैया उपमहानगरपालिका- २४ सखुईका रामेश्वरप्रसाद यादवले मुद्दा दर्ता गराउएका थिए । उनले प्रतिकठ्ठा ११ लाख क्षतिपूर्ती माग दावी गरेको बताइएको छ । सोही मुद्दामा सुनुवाइ गर्दै जिल्ला अदालत बाराले पुल निर्माण कार्यमा रोक लगाउँदा पुल अलपत्र परेको स्थानीय हरिचन्द्रप्रसाद यादवले बताए ।

विचाराधीन अवस्थामा रहेको मुद्दा चाँडो किनारा लगाई सर्वसाधारणले पाएको सास्ती अन्त्यका लागि आवश्यक पहल गरिदिन जनप्रतिधिहरूलाई आग्रह गरेका छन् । पुल निर्माण कार्य चाँडै सम्पन्न गर्नुपर्ने स्थानियहरुले बताएका छन् ।

करिब ८५ प्रतिशत काम सम्पन्न भइसकेको अवस्थामा भूमाफियाहरूको चलखेलले गर्दा उपमहानगरवासीले आफ्नै पालिकाको केन्द्रसम्म पुग्न लामो र जंगलको जोखिमपूर्ण यात्रा तय गर्नुपर्ने अवस्था रहेको वडा नम्बर १८ का जगदिप कोइरालाले बताए ।

काठमाडाैँमा बसेर यहाँका खोलाको जमिन सस्तोमा किनेर जनतालाई नै दुःख दिने हाउजिङको कारोबार शंकास्पद रहेको भन्दै स्थानीयले छानबिन गर्न माग गरेका छन् । ठूला जग्गा कारोबारीहरूले सरकारका प्रतिनधिहरूसँगको सेटिङमा खोलामा परेको जग्गा सस्तोमा किनेर मोटो रकम क्षतिपूर्ति लिने गरेको उनीहरूले आरोप लगाए ।-न्युज कारखाना

जनकपुर, २ असार-

मधेस प्रदेश सरकारले जीवन निर्वाह खर्च भन्दै एक अर्ब रुपैयाँ वितरणमुखी रकम विनियोजन गरेको छ ।

मधेस प्रदेशका अर्थमन्त्री शैलेन्द्रप्रसाद साहले २०७९/८० को बजेट विनियोजन विधेयक पेस गर्दै दलित बालबालिकाका लागि खातामा रकम जम्मा गरिदिनेसमेत घोषणासमेत गरेका छन् ।

‘मधेस प्रदेशका अत्यन्त विपन्न, कुनै नियमित पारिवारिक आयस्रोत नभएका नागरिकहरूको नक्सांकन गरी परिचयपत्रका आधारमा ‘जीवन निर्वाह खर्च’को रूपमा सोझै बैंक खातामार्फत उपलब्ध गराउन एक अर्ब ५० करोड विनियोजन गरेको छु’ अर्थमन्त्री साहले बजेटमा भनेका छन्, ‘डोम, मुसहर चमार दुसाध र हलखोर जातिका बालबालिकाहरुलाई विद्यालयमा ल्याई साक्षरता दरमा वृद्धि गर्न र स्कुल छाड्ने दरलाई न्यून गर्न दलित शिक्षा अभियान अन्तर्गत प्रत्येक बालबालिकाको खातामा बर्सेनि दुई हजार रुपैयाँका दरले शिक्षा बिजक रकम उपलब्ध गराउन रु २ करोड विनियोजन गरेको छु ।’न्युज कारखाना

जनकपुर, २ असार-

मधेस प्रदेश सरकारले बेटी ल्यापटप किन्नका लागि ७७ करोड रुपैयाँ छुट्याएको छ । मधेस प्रदेशका अर्थमन्त्री शैलेन्द्रप्रसाद साहले २०७९/८० को बजेट विनियोजन विधेयक पेस गर्दै ‘बेटी पढाऊ, बेटी बचाऊ’ अभियान प्रभावकारी बनाउने भन्दै ल्यापटप किन्नका लागि मात्रै ७७ करोड रुपैँया छुट्याएको जानकारी दिए ।

कक्षा ८ का छात्रलाई साइकल खरिदका लागि सोझै छात्राको खाता अनुदान रकम हस्तान्तरण गरिने उल्लेख गर्दै मन्त्री साहले बजेटमा उल्लेख गरेका छन्, ‘प्रदेशका सामुदायिक विद्यालयहरूमा कक्षा १२ मा अध्ययनरत छात्राहरूलाई कम्प्युटर प्रविधिमा पहुँच पुर्‍याउन एक एक थान ल्यापटपसमेत उपलब्ध गराउन उक्त कार्यक्रमका लागि ७७ करोड ४० लाख बजेट विनियोजन गरेको छु ।’न्युज कारखाना

जनकपुरधाम, १८ जेठ-

मधेश प्रदेशसभाको बजेट अधिवेशन १९ जेठ बिहीबारबाट सुरु हुँदै छ । बिहीबारबाट सुरु हुने बजेट अधिवेशनमा आउँदो शनिबार (२१ जेठ)मा सरकारले नीति तथा कार्यक्रम प्रस्तुत गर्ने भएको छ ।

मधेश प्रदेश सरकारले शनिबार अगामी आर्थिक वर्षको नीति तथा कार्यक्रम प्रस्तुत गर्न लागेको प्रदेश सरकारका गृह तथा सञ्चार मन्त्री भरतप्रसाद साहले जानकारी दिए ।

उनका अनुसार २१ जेठमा बस्ने प्रदेश सभाको वैठकमा प्रदेश प्रमुख हरिशंकर मिश्रले आर्थिक वर्ष २०७९÷८० को नीति तथा कार्यक्रम प्रस्तुत गर्नेछन् । विगतका पुरना लोकप्रिय कार्यक्रमलाई निरन्तरता दिँदै थप कार्यक्रमहरु नीति तथा कार्यक्रममा समेटिएको उनले जानकारी दिएका छन् ।

कृषि, स्वास्थ्य, शिक्षा, सिँचाइ तथा पुर्वधार क्षेत्रलाई प्राथमिकतामा राखेर नीति तथा कार्यक्रम ल्याउन लागेको मन्त्री साहले बताए । प्रदेश सरकारले आउँदो प्रदेश र प्रतिनिधिसभालाई लक्षित गरि चुनावमुखी नीति तथा कार्यक्रम ल्याउने लागिएको छ ।

आफ्ना कार्यकालको अन्तिम वर्षमा रहेका प्रदेश सरकारले चुनाव लक्षित गरी अनुदानमुखी कार्यक्रमहरु थपिन लागेको एक नीति तथा योजना आयोगका एक कर्मचारीले बताए । उनका अनुसार वैदेशिक रोजगारबाट फर्केका युवाहरुलाई स्वरोजगार बनाउन अनुदान, कृषि क्षेत्रमा रोजगार सिर्जना गर्न लगायतका कार्यको लागि अनुदानमुलक कार्यक्रम अन्य वर्षको तुलनामा बढी राख्न प्रदेश सरकारको मुख्यमन्त्री तथा मन्त्रीहरुले जोड दिएका छन् ।न्युज कारखाना

काठमाडौ, १३ वैशाख-

नेकपा माओवादी केन्द्रले गठबन्धन नगरी मधेस प्रदेशमा एकल चुनाल लडेका सात स्थानीय तहमा मात्र विजयी हासिल गर्न सफल भएको छ ।

हालै सगत निर्वाचनमा ९९ स्थानमा एकल उम्मेदवारी दिएको माओवादीले सात स्थानमा मात्र एकल उम्मेदवारी विजयी हासिल गर्न सफल भएको हो । अघिल्लो निर्वाचनमा २१ सिट जित हासिल गरेको माओवादी यो पटक ९ स्थानमा सीमित भएको छ ।

‘अघिल्लो निर्वाचनमा २१ स्थानमा जित हासिल गरे पनि यो निर्वाचनमा ९ स्थानमा मात्र विजय हासिल गर्न सक्षम भयौँ,’ केन्द्रीय सदस्य विश्वनाथ साहले न्युज कारखानाासँग भने, ‘प्रदेश कमिटी निर्माण हुनै सकेको थिएन । नोमिनेसनका दिन १२ बजे मात्र टिकट पाइयो र आन्तरिक अन्तसंघर्षका कारण माओवादी ९ सिटमा सीमित हुन पुग्दा दुःख लागेको छ ।’

गणेश साहलाई मधेस प्रदेश इन्चार्ज बनाए पनि माओवादीको मधेस प्रदेशमा अन्य सांगठानिक संरचना निमार्ण हुन सकेको छैन भने पूर्व मधेस ब्युरो प्रमुख गिरिराजमणि पोखरेल र मातृक यादव बीचको जुँगाको लडाइँले पनि माओवादी मधेसमा कमजोर हुनु पुगेको माओवादी नेताहरू बताउँछन ।
स्थानीय तहको निर्वाचनको परिणाम अन्तिम अन्तिमतिर आइपुग्दा सर्लाहीमा सबैभन्दा बढी एकल रुपमा नै उम्मेदवार विजयी हासिल गरेका छन् भने अन्यमा शून्य देखिएको छ । मधेसका आठ जिल्लामध्ये सप्तरी, महोत्तरी, बारा र पर्सामा उम्मेदवारी दिए पनि एकल उम्मेदवारीमा भने विजयी हासिल गर्न नसकेको निर्वाचन परिणामले देखाएको छ।

सर्लाहीको हरिवन, रामनगरपालिका, बागमती नगरपालिका र बलरामा मात्र एकल उम्मेदवारी दिएको माओवादीले रौतहटमा दुर्गा भगवती गाउँपालिका, धनुषाको सबैला गाउँपालिका र सिरहाको मिर्चैैयामा मात्र विजयी हासिल गर्न सफल भएको थियो भने उम्मेदवारी दिएका ९२ स्थानीय तहमा विजय हासिल गर्न नसकेको निर्वाचन परिणामले देखाएको हो ।

साथै, ३७ स्थानीय तहमा गठबन्धन गरेर निर्वाचनमा होमिएको माओवादीले दुई स्थानीय तहमा मात्र विजय हासिल गर्न सफल भएको छ । सप्तरीको खडग नगरपालिका र जितपुर उपमहनगरपालिकाबाहेक अन्यत्र माओवादीले विजय हासिल गर्न सकेको देखिएन ।

गत स्थानीय तह निर्वाचनमा २१ स्थानमा विजयी भएको माओवादीले यस निर्वाचनमा १२ स्थानमा मात्रै विजय हासिल गर्न सफल भएको छ ।-न्युज कारखाना

जनकपुरधाम, २९ चैत-

मधेश प्रदेश सरकारको सिफारिसमा प्रदेश सभाको ८औँ अधिवेशन मंगलबार राति १२ बजेदेखि अन्त्य हुँदै छ । प्रदेश सरकारको सिफारिसमा प्रदेश प्रमुख हरिशंकर मिश्रले प्रदेश सभा सचिवालयलाई पत्र पठाएर मंगलबार राति १२ बजेदेखि आठौँ अधिवेशन अन्त्य हुने जानकारी दिएका हुन् ।

मंगलबार बसेको प्रदेशसभाको दोस्रो बैठकमा सभामुख सरोजकुमार यादवले प्रदेश प्रमुखबाट प्राप्त पत्र सदनमा पढेर जानकारी गराएका हुन् ।

प्रदेश प्रमुख मिश्रले नेपालको संविधानको धारा १८३ को उपधारा २ बमोजिम प्रदेशसभाको आठौँ अधिवेशन अन्त्य गरेका हुन् । २९ मंसिरदेखि सुरु भएको आठौँ अधिवेशन चार महिना चलेको हो । यस अवधिमा २० वटा बैठक बसेको र सरकारबाट तीनवटा विधेयक दर्ता भएको हो । चारवटा विधेयक सभाबाट पारित भएको हो । त्यस्तै एउटा विधेयक प्रमाणिकरण भएको छ ।- न्युज कारखाना